11:28 AM
FrEe.PhArAoH
تدوين .. تدوين .. تدوين
للأبد بنقول وهنكتب بأفكارنا مش تهجين
تأخير .. كلام .. رد جرح وعذاب
مجرد كلام لكن بنقوله .. مهما طالت المده وفصدرنا معنى
الكلمادى لا هتضرنا ولا هتنفعنا
لكن مجرد التدوين والكلام .. مهما طالت المده واتغير الحال من حال لحال
احسنلنا من الانفجار يا بهية
ولجلك وليكى وحدك صدقينى هكتبلك .. هنشر حوارنا
اسمحيلى يامه يا ام طرحه وجلابية
بجد بحبك
----------------------------------------
انا( بحب ) : عرفتيهم كويس ؟؟
بهية ( بضيق ): تقصد مين ؟؟
انا : اللى فوق يا بهية .. اللى بيتحكموا .. اللى مقيدينك
بهية : عارفة .. حاسة ان الخلاص قريب .. مجرد احساس
انا : نفس الاحساس عندى .. حاسس انى مش واقف قدامك انتى
بهية : انا هو انا .. ليه بتقول كدا يابنى ؟؟
انا : فين صحتك .. فين جمالك وفنك .. قوتك .. فين كل دا ؟؟
بهية ( بحزن ) : كله بيتحول ليهم .. صحتى راحت وجمالى اطفى .. نفسى ارجع زى مكنت .. يا ما دمعت وصرخت ليكوا .. يا ما قلت ازاى بيعاملونى .. كنتو بتفتكروها اشاعات .. عرفتوا انهم مجرد جهلة .. عرفتو انهم مجرد حرامية .. عرفتو انهم سارقين جمالى منكم
انا : على طول كنتى جميلة وهتفضلى .. صدقينى هتفضلى زهرة مفتحة .. طول مفى حد بيقلك يامه هتفضلى زى منتى .. هترجعى .. احساسك من احساسى .. فعلا نمنا كتير عنك .. لكن بجد هنعمل .. صدقينى يا بهية
بهية ( بأمل ) : الكلام كتر ف الفترة الاخير .. تخيل انى مصدقاك .. هتفضل جمبى للنهاية ؟؟ .. هتستحمل وحشيتهم .. هتستحمل همجيتهم .. بل الادهى هتستحمل جهلهم ؟؟ .. هتستحمل معتقالتهم
انا ( بتوه ): احم ... موصلتش لمعتقلات .. الموضوع كله قلم بيكتبلك
بهية ( بلوم ) : وصلت معتقلات لناس كتير .. القلم مش هيريح اكتر م السيوف .. صدقنى محتاجة ثورة
انا ( بجدية ) : امرك .. بس تعرفى انتى ان الكتابه هى دايما الشرارة .. وشرفك يا بلدى سحابة وتعدى .. مش كانت كدا ف الفيلم بردو
بهية ( بحب ): جمبى ... انا ( بهيام ) : للأبد
----------------------------------------
وزير الجهل
بهية : عنوان حلو
انا : عجبك بجد ؟
بهية : بجد
انا : انا اقصد كل حرف فيه .. اكيد بتكلم عن تصريحاته الاخيره
بهية ( بتركيز ): انا فرعونية .. اجمل بنات الكون .. قبطية كنت وحميت مريم وابنها فحضنى .. وشهدت بالله الواحد وانا بستقبل الصحابة .. اكيد ليا شخصيتى المستقله
انا ( بموافقة ) : بالظبط عشان كدا انا قلت الجهل اصل البيه قال " لابد أن تعود مصر جميلة كما كانت ، وتتوقف عن تقليد العرب الذين كانوا يعتبرون مصر في وقت من الأوقات قطعة من أوروبا" .. انتى عمرك مكنتى قطعه من اوربا انتى ارقى يا بهيه .. تخيلى يقصد الحجاب تقليد للعرب . البيه ميعرفش انه فريضه شاكله
بهية ( بتهكم ) : معذور طبعا .. مهو بيتكلم عن امه اللى كانت بتروح الجامعه والشغل مش محجبه .. بيتكلم عن امه على اعتبار انها مثل .. فلو البنات لبست الحجاب يبقوا متخلفين اكتر من امه المتحضره دى .
انا :يعنى وزير الثقافه يا بهية ؟
بهية ( بمرارة ) : منصب من مناصب الحرامية .. يعنى ايه الريس .. عندك معنى ؟؟
انا : فين ثقافته اقصد
بهية : مهو اللى يطول شعره ويتقال عليه فنان لازم يبقا شاذ عن الجماعه .. لازم ميعرفش ف الدين ويسمع اجنبى وشعره يطير على وشه .. لازم يكون مختلف عشان يكون فنان .. ولو طال يمشى على دماغه هيعملها .. الفن بردو متعب .. عشان كدا لو عرف ف الدين يبقا طبيعى
انا : هو مقبلش يكون ابنك .. بيرجع الجرايم للمحجبات قال "إن الجرائم اليوم ترتكب باسم النقاب والحجاب" .. معنى كدا ان الداخليه واللى بتعمله دا عشان منقبين ولابسين طرح ولا دى مش جرايم .. معنى كدا ان يوسف والى كان منقب .. مظنوش ظهر بنقاب قبل كدا
بهية : نقاب .. على كدا كلهم المفروض يبقوا بطرح
انا ( باندماج ) : البيه قال "لن نتقدم طالما بقينا نفكر في الخلف ونذهب لنستمع الى فتاوي شيوخ ب تلاته مليم "
شيوخ بتلاته مليم يا بهية .. اللى بيدعوا للحجاب بتلاته مليم يا بهية .. اللى بيقول قال الله وقال الرسول بتلاته مليم يا بهية .. واللى بيألف القصص الاباحية فنان .. واللى بيمص دمك مستثمر .. واللى بينافق الامام الاكبر .. واللى بيظلم وزير الداخلية .. يا بهـــــــية .. انا مش قادر اكمل
الجاااااااااااااااااااااااهل بيقول عليهم بتلاته مليم .. وهو اكيد اغلى من تلاته مليم عند الحاخام موباراك
بهية ( بتأمل ): انت ليه دايما بتقول عليه جاهل .. مش ممكن تفكيره شاذ مش اكتر .. مش لازم نقع ف الغلطات دى
انا ( بغيظ ): غلطات ايه ؟؟ .. تعرفى انه قال على قناه فضائيه انه مش هيعتذر لأنه متعرضش لاركان الاسلام الاربعة .. هم اربعة يا بهية ؟؟ .. الاربــــــــ ع ــــــــــــــة .. ازاى بقا وزير دا .. الا ربعه .. وزير السخافه بيقول الاربعه على اركان الاسلام .. عمال يتكلم ف اربعه وتلاته .. تقريبا موصلش ف العد لحد خمسة ف المدرسة .. مش ملاحظة بردو انه اسمه حسنى .. هو كله كدا
بهية : ( بصوت بكا ) مستنياكو بئا
انا : ( بحنق ) بحبك يا امى .. اكيد هنوصل .. اكيد
Posted in: سياسة
18 شاركنى ثورتى:
بالذمة هو مش مكسوف لما يكون أسمه وزير الثقافة وهو جاهل بأركان الإسلام الخمس !!!معلش أصل وزير الثقافة مفتحش كتب قبل كده !!!
أنت بتهاجم وزير الجهل بس بطريقة عجبتنى لأنهامن قلب مصرى بيعشق بهية
وصدنى كلنا بنقول لبهية نفس الكلام وهى تعبت من كتر الكلام وقلة الحركة
أنا مكسوفة أتكلم معها.. ..مش أقبل
ماعتذر لها عن كل سهو من أصحابها من الناس البيحبوها
.........
أنا اسفة يا بهية
الفرعون الحر
صديقى القديم الجديد سعيد با سلوبك وجر اتك فى الحق
اخوك القا دم من الريف سل بقا
الجحيم حا ليا
شكر ا على كلما تك
احييك اولا على مدونتك الرائعة يا فرعون
بجد عجبتني جدا وخصوصا التدوينة دي
وعلى فكرة ..طريقة كتابة البوست ده عجبتني بشكل شنيع
ومن افضل ما قرات في نقد المعتوه فاروق حسني
بجد احييك من قلبي اخي الكريم
قول يا ثورجى..قول يمكن نفوق من الوهم اللى احنا فيه
رحم الله السادات ولك الله يا مصر
السلام عليكم
بعد ما قرأت قلت لنفسى بصراحة كده حضرتك عندك حق انك تتأخر عن الكتابة المدة الماضية مادمت هتكتب شىء رائع هكذا
فلا تعليق
كتبت الموضوع بشكل اكثر من رائع يبين الحقيقة المفجعة بطريقة سلسة يفهمها الجميع
و لا كلام بعد كلامك فكلامك كافى جدا
الحقيقة الوزارة ديموقراطيه جدا فيما لا يتعلق بالدين وقتها بتبقي ديكتاتورية لاقصي درجة..ومفيش مناقشة
هوا كان بيتكلم بصفة شخصية..طيب مانت وزير يعني كلامك بيعبر لدرجة ما عن راي الحكومة اللي عينتك والحزب اللي انت تتبعة..لو كان ليه اي انتماء اساسا لاي حاجة
لو رأية الشخصي واحتفظ بيه لنفسة وقالة في مذكرات -لان مفيش معاش ولا استقاله في المنصب العجيب ده فمفيش غير مذكرات تنشر بعد وفاتة او اصابتة بالعته- كانت تهون
لكن لما هوّا مش تصريح يقولة في حوار صحفي ليه.. مش للنشر ماهو مفيش صحفي هيسمع الكلمتين دول وماينشرهمش !!كل سنة يتعملة استجواب يعني ماوراناش غيرة
حفلة الالفية الهبلة بتاعة ميشيل جار اللي ما اخدش فلوسة ومحدش فهم الاحتفالية عن ايه اساسا..وملكة جمال الشواذ ومهرجانات عجيبة وبلاوي من دي كتير..لحد الحجاب سبب للتخلف كبيرة اوي دي
عن اسلوب عرضك للفكرة..رااائع للغاية
Noran
هو اكيد مكسوف .. بس مين قال انه هيبان كدا ؟.. قال بكل صراحة لا احب الحجاب .. مبيحبش فرض من فروض ربنا .. هو فموقف اكبر منه .. اثبت انه اساسا مش لبق وميقدرش يتكلم اكتر من انه يقول ان دى حرية ... بهية بتحبنا كلنا .. نورتى المدونة من جديد .. تعليقك يهمنى
مودتى
الجحيم هو الحقيقه
منور يا باشا .. شكرا بجد انك اعتبرتنى صديق .. وانا دايما بعتبرك كدا
شكرا على كلماتك دى كتير بجد
منور دايما
واحـــد مـــــن الـنـــاس
انت واحد من الناس المحترمين .. تعليقاتك و مواضيعك بتقول كدا .. شكرا انك فمدونتى .. وشكرا ع الكلام دا بجد :)
وجودك يهمنى ياباشا شكرا بجد
باخلاص
المهاجر المصرى
اللهم امين
انت عندك مدونات مش مدونة .. ماشاء الله بجد .. نورت مدونتى ياباشا
شكرا على روحك وحبك ليها
كلماتك هتهمنى .. يا رب متكون اخر مره
مودتى
moslma
مسلمة العزيزة .. عدم تواجدك فاى موضوع يكتب معناه عندى انه رديئ .. لا ارضى عن الموضوع الا بعد تعليقك .. حياكى الله اختى العزيزة .. انارت المدونة بقدومك .. اشكرك ع الكلمات التى تعنى الكثير
مودتى
saso
من جديد انتى فمدونتى
شكرا على كدا بجد .. ارجو تعتبريها مدونتك .. ارجو من الجميع التواصل دائما ان شاء الله
اكيد انا معاكى ف الكلام
شكرا
خالص تحياتى
مصطفى اسماعيل
ربنا يخليك .. رايك يهمنى
منور المدونة .. الاغنية دى بحبها جدااااا بجد .. سيبك انت احلى م البوستات اساسا ;)
تحياتى
يا باشا اسلوبك جميل بجد
انا سمعت صوت بهية معاك
:)
ربنا يعفو عنا و يرحمنا من جهل الناس يا رب
الراجل ده ربنا سلط عليه لسانه علشان يشنقه
و يفضحه قدام الناس
و افتكر بقى لو في اي احساس عنده يستقيل و يتفرغ
لحشي المحشي
و لا اية يا بلد؟
الواطي فيها عالي و العالي فيها واطي
و عجبي
----
عجبني الحوار
ناطق
برغم الاسى
اسلوبك لذيذ فى الكتابة على فكرة
والشيخ حسنى مشكلته انه عايش دماغه بس هو نسى فى لحظة انه وزير الثقافة واشتغل على انه وزير الاوقاف
Epitaph
منورة المدونة .. تعليقك دا معناه كبير بجد عندى .. ابيتاف نفسها علقت عندى :)
بجد شكرا ع الكلام .. تحياتى
كلبوزة لكن سمباتيك
يعنى ابيتاف تعلق وانتى تعلقى عندى .. المدونة كبرت يا جدعان :) ههههههههههه
معاكى بجد .. فى ناس كدا ربنا بيسلط عليهم انفسهم
منورة
Taher
اول مره مره هنا وان شاء الله اشوفك عندى على طول ياباشا .. دايشرنى اكيد
الشيخ حسنى .. جاهل بس
تحياتى
يبقى اكيد حنوصل اكيد
مش عارفة اقلك ايه
بس اسلوبك جميل
و اغنيتك جميلة
اختيارك رائع يا ثورجي
تحياتي
حفصوتشا ام مصطفى
اسم جديد .. جديد ع المدونة بس بجد شكرا ... انا سعيد انك علقتى عندى .. وسعيد على ذوقك بجد .. شكرا
خالص مودتى
فرعون . مدونتك شدتنى من أول زيارة . و كلامك فى البوست دا اثر فيا جداااا ... صدقنى
الوزير الجاهل دا ها يفضل دايما فى منصبه .. لأنه شرط أساساى علىأى وزير فى أى وزارة الجهل التام ... امال التغييب هاييجى منين ..؟
ربنا يفضحه كمان و كمان
بالصدفة شفت تعليق ليك عند فارس عن قطعه من كتاب الموتي .. قلت ابص يمكن يكون كلام بجد .. ولاقيتك ولد بجد .. تسلم يارب وتسلمنا بهية من كل سوء
بجد انتا عبرت عن كل الكلام اللى المفروض يتقال بطريقه مختلفه و ملهاش حل
وبالنسبه للجاهل الكبير اللى محدش عارفله حاجه اذا كان ثقافه مش فالح فيها ايه بقى يدخل سيادته فى الدين
انا عارفه ان ردى متأخر بس انا لسه مكتشفه مدونتك الاكتر من رائعه امبارح بس
وان شاء الله بهيه لازم ترجه بهيه العفيه بتاعه زمان واحسن كمان وتبقى بهيه بنفسها وبولادها وبخيرها وياما دقت على الرؤوس طبول
بحبك يا مصر يا احلى بهيه واحلى ام فى الدنيا
ويارب يخليى فرعونك المصرى الاصيل
ساره صوان
Post a Comment