Saturday, July 20, 2013

خارطة العسكر



خارطة العسكر
على خلفية .. احداث مجزرة المنصورة .. لم اكتب غير :

---------------

 نم اى ضميرى و استكن
 او تحت البيادة تمتهن !
 نم يا صديقى فربما 
 قطرات دمك : تحتقن
----------------------------
نم فالنوم قضاء
لا مفـــر
نم فالناس نيام
بل اكثر
و النيل فى عصر النوم
 صار باللون الاحمر
كم مجزرة ارتكبت ؟؟ ..
 لا يوجد ! .. اين المصدر ؟؟؟
سلمية من يا سادة .. الاخوان ؟؟
تبا للمظهر
تلك السلمية تتمثل 
فى الجيش او فى الازهر
و من يشعر بلوعة فرقة
فليظهر حزنا لا اكثر
من اقصى لأقصى .. بارك دوما ما يحدث
واكمل معنا خارطة العسكر !
 ----------------------------
نم او مت فلا فرق
و لا امل فيهم .. هذا للعلم
وانصت دوما للمقطوعة
 انصت .. لصوت الدم
 و انصت للألم
خلفية صوتى الثورى 
جاافت حتما .. تحريرهم
فالصوت الاوحد والاعلى
بكاء الحرائر .. و صراخهم
تحرير مَن مٍن مَن ؟؟
تحرير العبيد .. والمزييد
 من عطاشى الدم
انصت للمقطوعة
 معزوفه خصيصا .. بلا نغم
فالمقتولة حتما ليست منك 
ليست زوجة .. او اختا .. او ام
المقتولة يا سادة ............ ارهابية
فعلام نبكى .. او نَحترم
 ----------------------------
نم اى ضميرى و استكن
 او تحت البيادة تمتهن !
نم يا صديقى فربما 
 قطرات دمك : تحتقن 
----------------------------

Tuesday, July 16, 2013

النوايا .. مش بتسند حاجة :(

عن النية الطيبة نتحدث

المشكلة الاساسية اللى ممكن تواجهك مع اى حد بتحترمه ... نيته الطيبة !
تحت مسمى النية الطيبة .. ممكن يتطفل عليك (بيطمن) .. ممكن يعلى صوته (متحمس او بيسمعك كويس) .. ممكن يحرمك من متعة معينة (خايف عليك) .. ممكن يقتلك او يقتل جواك حاجة (غبى اكيد !) ..

تحت مسمى النية الطيبة بتشوف جرايم بشعة فمختلف العصور .. اعدام العلماء فعصور الظلام .. حرق الفتيات لأنهم : ساحرات .. اضطهاد دينى : لتحجيم الكفر والهرطقة .. حتى الحروب الصليبية دعوتها الاساسية كانت قايمة على نية طيبة : موجهة



رغم كل المحاولات : اللى بتحاول تخلى فيها تصرفك الشخصى على مستوى نيتك الطيبة بيلعب مفهومك عن التنفيذ الدور الاكبر .. مفهومك عن تحقيق نيتك الطيبة .. لما مجموعة من النوايا الطيبة تتجمع .. لتشجيع فريق الاهلى كمثال بغرض المتعه : الحماس بيكبر .. التعصب بيظهر .. بتعادى الزملكاوى اللى زيى :).. عشان انت وطنى وبتعشق الخطيب وابو تريكة .. واللى زيى فماتش الاهلى = الاعور موشى ديان >> حقيقة للأسف

و المصرى اللى عاش ثورة يناير .. نيته طيبة .. ضد القهر والعهر والجهل .. ببساطة : ضد مبارك .. 
المصرى دا نزل ف30/6 عشان نيته طيبة .. والمصرى اللى اتضرب عند الحرس الجمهورى .. نيته طيبة

استخلاص الحق المطلق فعلبة صغيرة فجيبك حاجة مستحيلة .. اتهامك لميدان التحرير بالتخلف : تخلف .. واتهامك لرابعة بالخرفان : تخلف .. مش محاولة للحيادية لكن انا مشكلتى : انى بحاول اشوف هل النية طيبة ؟؟؟؟؟
اشاعااااات .. العاهرات تملأ ميدان التحرير .. والجرب يجتاح رابعة العدوية .. انت مصدق ؟؟ .. مشكلة انك تصدق اشاعة وتكون نيتك طيبة .. هتتحمس وتكره الاخر وهيساوى عندك : القهر والعهر والجهل .. او مبارك زى متفقنا :D

المفهوم الاوضح بعد كل الفتن والاشاعات الناتجة عن توجيه النوايا الطيبة : احنا فمشكلة تخوين جمااااعى .. وكل واحد بيحب البلد بطريقته .. انتى مش عاهرة وانت مش خروف .. انت مصرى محترم : نيتك طيبة

على فكرة انا مش خروف ولا موشى ديان ..
انا شايف ان اللى حصل بدون تفاصيل : انقلاب على ثورتى فيناير .. وفعلا نيتى طيبة  !

Thursday, July 11, 2013

وبنتوه بين الزحام والناس

عودة للتدوين .....


تلك المتعة المفتقدة فى اروقة الفيس و ممرات تويتر ونوافذ المنتديات العقيمة



اشتياقى لتلك المساحة هو اشتياق عاشقة مراهقة لا تفعل شئ سوى التنهد من اجل حبيب خيالى هاجر الى (مجرة اخرى) ومعه كل مفاتيح روحها المرهفة .. اجل!!! .. تلك المساحة هو ذلك الحبيب المهاجر



بالطبع راحتى هنا لن تفوقها الا راحتى فى قبرى وانا مطمئن لرضى الله عنى بعد البشارة .. حتى وان لم يقرأ احد .. فأنا هنا بكامل ارادتى الحرة .. لن اهمس لك بكلمات عشق .. الا اذا اعدت لكى ضحكتك المفتقده .. او اعدتها لى



مدونتى الجميلة .. ها انا ملكك من جديد .. متجردا من قيود المساحات الاخرى العقيمة

سامحينى .. فأنا لا املك الا محاولة بناءك من جديد


اشطة بقا ؟؟ :* ..          اشطة :D

Twitter Delicious Facebook Digg Stumbleupon Favorites More

 
Design by قوالب بلوجر | Bloggerized by Lasantha - Premium Blogger Themes | Bluehost custom blogger templates