Monday, November 26, 2007

كل .. وانت .. يا ؟؟



عيد الميلاد




---------------

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي


---------------

لست من هواة الاحتفالات و الزحام وكثرة التهانى والكلمات المقاله من مئات السنين .. لست من هواة الصخب والتقلييييد .. لذا استمتع بشعورى الذى اصنعه انا .. استمتع بضحكتى التلقائيه حتى عندما ارى مالا يضحك الاخرين .. أرى ابتسامه نقية فى عين طفل .. ارى شقاوة تلك الصغيره السمراء صاحبة ارق بسمة ف الوجود .. اضحك واستمع للتعليقات .. الكثير من (بس / اووو / لااا / بطلىىى / اسكتى ) وتلك القسوه المصطنعة .. او التى صنعتها تجارب الحياه السخيفه .. اضحك لتلك الطفلة واتمنى ان تذوب فروق السن واتناسى كم بيننا من فروق / تضحكنى بسمتها الرقيقه تلك السمراء
يضحكنى ارتباك المتصنع وخجله عند فشله فى التصنع ! .. تفرحنى نظرة الرضا من عين حكيم مسن عليل الجسد .. يسعدنى كل ذلك ولا يسعد من هم حولى
حتى حزنى فمختلف .. اتألم على تلك النظره بعين فتاه حائره وحيده فى ركن مظلم بجانب اضواء المدينه وقسوتها وضحك الباقين .. احزن لمشهد صغير يتسول وتسرق منه طفولته البريئة .. اعتصر الماً .. احزن على فتاه نقية تهيم حباً بمحتال لا يرى منها الا ما بدا له من فائدة
احزن بشدة عندما يظلم ضعيف او فقير .. تؤلمنى الوساطه .. لن نصل لكمال ابدا لن نصل له لذلك فأنا احزن على الكثير :( .. حتى ذلك الشعور بالحزن وان لم يشاركنى به احد يمتعنى .. لا اريد من يشاركنى كل هذا فقد مللت البحث
لكنى لم اعد بخفى حنين .. مكتفى انا بشعورى .. وشعور ان هناك قلبا لى ينبض بصدر آخر ونفس الفكره تدور برأس اجمل من رأسى لكنه ايضا ينتمى لى بشكل ما.. بدون نرجسية : كل سنة وانا زى منا :)
مر عام وابتدى اخر .. لن اقول كما قال معظم الحكماء .. ماذا حققت العام الماضى ؟؟ الاجابة بكل بساطه قبل ان ارحل بثوان لن اشعر انى حققت شئ .. كل شئ حقق بالفعل حتى ما أقول وماتقولون قد قيل .. العام الماضى .. او حتى قبل اختراع الكتابه .. قيل ف المعابد البدائيه .. هناك فى ذلك الزمن السحيق .. قاله حكيم لحيته بيضاء كالثلج .. فى ذلك الركن المقدس من المعبد .. ربما اعتبروه ابن الاله .. او حتى عبدوه شخصيا .. لمجرد انه خرج عن القطيع
ربما قاله فلاح اسمر بعد ان نظر للبر الغربى لحابى وتعبر .. ربما قالها وقت الغروب بعد ان شاهد مصرع الشمس وتذكر ان له غروب هو الاخر .. هل سيكون اوزوريس عادلا حينما يزن قلبه .. هل اوزوريس موجود بالفعل .. ام هى لعبة قاسية من الكهنه ليبعدونا عن الشغب .. هل حقا مر عام بهذه السرعه .. لم يتغير شئ .. امون عظيم كما هو .. حابى كريم كما هو .. حتى فرعون سليل الاله والنجوم قوى كما هو
ربما فكر فلاح بكل هذا لكنه خاف ان يشاع عنه انه مهرطق
ربما فكر بها فرعون نفسه .. ربما تسائل فى حيره .. هل انا سليل الالهه حقا .. ام ان العوام اقنعونى بهذا قبل ان يقنعوا انفسهم ؟؟
ربما تسائل عبد حبشى فى بلاط امير رومانى ما فى مثل يوم ميلاده ..هل قدرى العبودية حتى الممات ؟؟
ربما تسائل عالم من واضعى اسس علم ما فى حيره .. هل سأكمل ما بدأت .. ام كل هذا هراء بغير جدوى ؟؟
لكن من المؤكد ان كل طامح تأمل خيرا ف العام الجديد .. وكل يائس حلم بعام افضل .. وكل مظلوم اراد انقضاء ظلمه .. وكل حزين تمنى ذهاب حزنه
كل ما اشعره بعد كل عام هو الرضا الممزوج ببعض الندم .. فهناك الكثير من الجهد الضائع والوقت الضائع .. هناك الكثير ضاع حقا .. هناك الكثير لدرجة انى لا استطيع ان احصى ما فقدته .. لذلك لن احصى فهناك فرصة اخرى
والامل فى هذا العام الجديد البريئ كقلبك .. الامل فقط ان يكون اجمل من كل ما سبقه من اعوام.. الرضا والسعادة اسمى ما اتمنى .. فقط الرضا والسعاده .. إن حدث هذا: فكل سنة وانا زى منا :)

Wednesday, November 07, 2007

إختلااااااااااااااف



"دوام الحال من المحال"

بطمن لما بسمع الجملة دى .. مش معقول يستمر الليل .. مش معقول تستمر الوحدة والقلق .. وحشتنى مدونتى وحشنى التدوين والكتابه والناس والتعليقات .. حاسس انى مختلف .. حاسس ان الشمس بتشرق على حياتى كلها .. نور مالى كل ذره من كيانى .. بفكر فأى شئ وكل شئ وانا مرتاح من غير قلق .. معدش فى جزء من عقلى مظلم بخاف ادخله .. ثورة فحياتى كلهااااا .. مكنتش متخيل انى ادون قريب بس حتى النور لازم يطول مدونتى العزيزة

من سنة

بسمع صوت فيروز بشجن .. كانت بتعذبنى .. كانت بتعزف على جروحى .. عشقت الكلمات وكرهتها فنفس الوقت .. بكل بساطه ف اخر ايام الصيفية كانت بتكرر وحدتها وانها منسية و أنا احس كل معنى لكل حرف بتقوله



أكيد كنت لوحدى
والسفر مكنتش راحمنى
اجهاد نفسى لدرجة انى بسأل امتى مش هكون مضايق
امتى مش هفكر وفى جزء فمخى مضلم
مش عارف ادخله قافل النور عشان مشفش اللى خانئنى وكان اكبر جزء ... حاجات كتير مفيش حد من اصحابى كان جمبى .. انتى نفسك مكنتيش موجوده
مش باصص لابعد من بكره
عايزه يمر من غير مشاكل ف البيت او مع حد
او انى ابقا لوحدى
ساعات كنت بتمنى ابقا لوحدى
ولما بكون لوحدى بكون مضايق بس ساعتها بيبقا احسن من انى موجود مع حد
اكيد بكره احسن
بحب الجملة دى اوى
صحيح بكره ساعات بيبقا بعيد
يمكن كمان شهر
سنة
او اكتر
بس بيبقا احسن
كنت معرفش غير مواعيد القطر فلك بلف فيه وادوووووووووخ مش شايف غير دايره مرسومالى
اغانى قديمه هدوم قديمة
افكاااار قديمة
ساعات كنت بدخن
وساعات كنت ببقا لوحدى
وساعات افكر فيكى واقنع نفسى انى فبالك
واقلك بحبك

وف السفر لو منمتش ابص ع الطريق
على مليوووووون شجره مضلله تحتها على شط ميه .. وافتكرك
واروووووح
نفس النظرات والكلام نفس الحلم والافكار تقريبا نفس الاكل حتى ..اقعد قدام النت احتمال كبير يطلع مفصول
واسمع فيروز ميييييييييت كرباج
نا ف البرد مغطى وشى مش عايز حد يحس بمشاعرى ولا عايز احس بحاجه لانى مكنتش هعرف احس اساسا واليوم يتكرر
بس انا كنت متأكد انك لو جمبى ساعتها كان الوضع اختلف
اكيييييييييييييييييييييييييييييييييييييييد
آدى حكاية اخر ايام الصيفيه اللى كانت بتستمر معايا لبداية الصيفيه الجديدة.. انما الوقتى اكيد انتى عارفه انى مرتاح .. مفيش سفر .. مفيييييييييييييش برد ولا وحدة .. حتى اخر ايام الصيفيه مش بحسها زى مكنت
فى اختلاف .. صدقينى دوام الحال من المحال .. بس يا ترى الحال بيتغير امتى؟؟؟ دا السؤال




الكلام مقتبس من حوار حقيقى Xxxx

Twitter Delicious Facebook Digg Stumbleupon Favorites More

 
Design by قوالب بلوجر | Bloggerized by Lasantha - Premium Blogger Themes | Bluehost custom blogger templates