مين فينا الجبان

بسم الله الرحمن الرحيم
بدور لقيت الروعه دى لأحمد فؤاد نجم ... طبعا غنى عن التعريف
فعلا اختار حاجتين غاليين ع النفس اوى
حبيت اكتبها ف المدونه حتى لو مش هتتقرأ ... بس حسيتها اوىىىى لأنه فعلا عبقرى

وكمان الشبه واضح بين الوقت اللى اتكتبت فيه القصيده والوقت الحالى
------------------------------------------------------------------------------------
بلدى وحبيبتى

ــــــــــــــــــــــــ

الغرام فى الدم سارح
والهوي طارح معزه
والحنين للقرب بارح والنوي جارح يا عزه
يا إبتسامه فجر هلت بددت ليلي الحزين
يا ندى الصبح اللى ساسافوق خدودي الدبلانين
بلّ شوقهم
صحي لون الورد فوقهم
كل خد
وشم ورده مين يدوقهم
غيرك انتي ومين سواكي يا حياتي
يا ملاكي
يا نسيم الحب لما هب هز القلب هزه
يا هوي الاحلام يا عزه
الليلادي جم خدونى يا ملاكي
جوز تنابله ونص دسته من التيران
كنت باحلم يا حبيبتي
كنت باحلم بيكي انتي
كنا قال أنا وإنتي قال ف جنينه خضرا
ومحاوطها البرتقان
والسيسبان
وإنتي جوا قرنفلايه
بالعبير بتستحمي
أجري يمك يا هوايا
تسبقينى وتجري يمي
أحضنك وأشرب عبيرك من شفايفك
والغصون وأقفه وشايفه
بتراعينا بس خايفه
م العيون
والعيون
بتقول كلام
والكلام
طاير حمام
بينادينا بالاغاني
ويهادينا بالسلام
كنتب بحلم يا حبيببتي
كنت با حلم بيكي إنتي
أيوه انتي
ومين سواكي
يا حياتي يا ملاكي
يا نسيم الحب لما هب
هز القلب هزه
يا هوى الاحلام يا عزه
وأنطلق فى الجو فجاه يا حبيبتي
صوت مفاجاه
صوت يخلي الدم يجمد
إصحي يا أحمد
إصحي يا أحمد
وأنتهي الحلم الجميل
وابتدا الهم التقيل
_ فين إمام
_ إنتوا مي
ن - إحنا ناس مكلفين تيجي سالك مش ح تتعب وأحنا طبعا معذورين
- إنتوا دود الارض والافه المخيفه
إنتوا ذره رمل فى عيون الخليفه
إنتوا كرباج المظالم
والماسي
إنتوا عله ف جسم بلدي
إنتوا جيفه
- سكتوه ابن الكلاب
سففوه من التراب
فتشوا كل الآماكن
طلعوا رفوف الدولاب
كمموني يا حبييبتي
كتفوني يا حبيبتي
قومونى .. قعدوني
كل شعره فى جسمي بالعين فتشوها
المخده من جنانهم شرحوها
وإنتهي التفتيش
ما فيش
صدقيني ما تخافيش
هو فيه يا عزه عندي ممنوعات
غير باحب الناس وباكره السكات؟
بص واحد م التنابله جوا عيني
وإنتي عارفه عنيه صافيه
وطيبين زي كل عيون بلدنا
يا حبيبتي شباكين
ع القلب دوغري موصلين
كان مناه يلمح علامه خوف بسيطه
طب حييجي الخوف منين ابن العبيطه
هو مين فينا الجبان
ولا مين فينا اللى خان
اللى قلبه بالمحبه وبالاماني
وبالربيع لاخضر
مزهر
والاغاني
ولا كلب الصيد
وأسياده الاباطره
أكالين لحم البشر فوق الصواني؟
هو مين فينا الجبان
ولا مين فينا اللى خان
هو بص فى عينى بصه
إرتجف وف حلقه غصه
واتعوج ومال وقال
جملتين مش مفهومين
أصله شاف صورتين جمال
فى العيون الطيبين
مصر فى العين الشمال
وإنتي فى العين اليمين

معتقل القلعه / 1972

***********************

مين فينا الجبان ولا مين فينا اللى خان ؟؟

اكيد التاريخ مش بينسى ولا هينسى و الشعوب زى العنقاء بتقوم من الرماد بعد شبابها ميتجدد
بهديهالك يا بلدى و ليها لـ ـحـ بـ بـ تـ ـى

Read more »

اه يا بلد

المستشار محمود حمزه

الامبراطور قاعد فوق وانشالله تولع
بيحاسب القضاه ويظلم المتضامنين معاهم وانشالله تولع
كلاب امن الدوله مبيعملوش حساب لأى حاجه ولا لأى حد وانشالله تولع
طبعا كلنا عارفين موضوع محمود حمزه المستشار اللى اضرب ياريت نعرف اكتر الاحداث من فم محمود حمزه نقلا عن احد المواقع
بس ليه انشالله تولع .. لأنها لازم تولع عشان تطهر لأن معدلهاش تصليح
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ليتني مت قبل أن أري هذا اليوم

ـــــــــــــــــــــــــــــــــــــــــــــــــ

روي المستشار محمود حمزة تفاصيل الاعتداء عليه تعرض المستشار محمود عبداللطيف حمزة رئيس محكمة شمال القاهرة ، و أكد حمزة انه وصل صباح أمس الاول الاثنين لمقر نادي القضاة.. وركن سيارته بعيداً عن مقر النادي وأضاف: وترجلت وأثناء سيري في الشارع الذي يوجد به مقر النادي استوقفني وجود أعداد من جماعة »كفاية« يقفون في مواجهة النادي مرددين هتافات تضامن مع القضاة.. وقبل عبوري لباب النادي فوجئت بأن المكان تحول الي ساحة قتال ورأيت مجموعة أشخاص يرتدون ملابس مدنية حاملين في أيديهم الشوم متجهين مباشرة الي المتظاهرين من أعضاء حركة كفاية وانهالوا عليهم بالضرب.. كان المنظر لا يوصف.. والضرب ضرب موت.. استفزني الموقف خاصة وأن أعضاء كفاية استغاثوا بالقضاة وكل ما فعلته انني رحت أرصد أحداث الاعتداء بكاميرا التليفون المحمول الخاص بي وبالفعل صورت كل الاحداث ووقائع الضرب وأثناء ذلك فوجئت بأحد الضباط يأتي من خلفي ويضربني بشدة علي يدي التي تحمل »الموبايل« فسقط التليفون علي الارض وفي ذات الوقت فوجئت بضابط شرطة اخر يكتفني محاولاً شل حركتي واشترك الضابطان في القائي علي الارض وسط الشارع، وما ان سقطت علي الارض حتي تجمع حولي عدد من ضباط الشرطة وراحوا جميعاً يضربونني في كل أنحاء جسدي.. ضربوني بأحذيتهم في وجههي وأصابوني بعدة كدمات.. كما ضربوني علي ظهري وبطني وفي كليتي. صرخت وقلت حاسبوا.. أنا رئيس محكمة وكأن هذه العبارة استفزتهم فما ان سمعوها حتي زادوا من ضربهم وأمطروني بسباب لم أتخيل ان أسمعه.. سبوني بأبي وأمي وبألفاظ نابية.. حاولت أن أثبت لهم انني فعلاً رئيس محكمة مددت يدي في جيبي وسحبت محفظتي لكي أعطي لهم الكارنيه الخاص بي ولكنهم لم يمهلوني.. أخذوا محفظتي ومسدسا مرخصا كان معي وواصلوا سبابهم ثم سحلوني علي ظهري بطول شارع شامبليون وفي النهاية قذفوني في بوكس شرطة.. ولما تحرك البوكس حاولت القفز منه فأعادوا ضربي ونزف الدم من أنفي ووجهي ولما رآني شقيقي المحاسب »أحمد« صرخ فيهم حرام عليكو سيبوه ده رئيس محكمة فضربوه هو الاخر.. ثم حملوني ورموني في سيارة ترحيلات وأغلقوا الباب. ويضيف المستشار محمود حمزة داخل سيارة الترحيلات: زاد نزيف الدم من أنفي ووجهي صرخت بكل ما أملك من قوة قلت أنا باموت.. ولكن أحداً لم يهتم بي ولما تواصلت صرخاتي قال أحد الضباط أخرس يا ابن الكلب.. قلت أنا رئيس محكمة ومريض وعامل عملية قلب مفتوح عايز أخذ الدوا.. عايز أشرب مية.. وكان الرد الوحيد الذي أتلقاه اخرس!!.وبعد حوالي 15 دقيقة تحركت سيارة الترحيلات وكان معي فيها عدد من المعتقلين من أعضاء كفاية سمعت بعضهم يقول احنا رايحين أمن الدولة في عابدين.. وهناك بالتأكيد هيموتونا من الضرب.. ولما وصلنا الي عابدين قلت للضابط أما اسمي كذا وبنزف وها اموت.. وأنا رئيس محكمة بمحكمة شمال القاهرة.. فقال الضابط طيب استني هانشوف.. انتظرت ساعة وبعدها جاءني نفس الضابط وقال انت اسمك ايه؟.. فأعدت عليه كل بياناتي فرد استناني.. وبعد فترة من الزمن خرج أحد الضباط واستوقف تاكسي كان يمر بالصدفة في الشارع ثم ألقوني داخل التاكسي وقال الضابط للسائق وصله لبيته.. لبيته وبس ومش أي مكان اخر.. انطلق السائق في الشارع وحاولت إقناعه بأن يوصلني الي أقرب مستشفي فرفض وبعد محايلات واستعطاف مني رق قلبه وأوصلني لاحد مستشفيات مصر الجديدة. ولم يتمالك المستشار محمود حمزة أثناء حواره مع »الوفد« نفسه وبكي وقال:»ياريتني مت ومشفتش اللي حصلي ده«. ولما سألته عن اصاباته قال: »أعاني كدمات في وجهي من ضرب أحذية ضباط الشرطة وأعاني كدمات أخري في كل أنحاء جسدي.. وفي ذراعي.. ثم توقف عن الكلام وبكي للمرة الثانية«. وقال: »أنا أشعر بإهانة بالغة.. فين هيبة القضاء.. فين المقام الرفيع.. فين.. فين كل ده«.سألته عما ينوي أن يفعله فقال: »أنا كنت متضامنا مع مطالب القضاة المعتصمين في نادي القضاة بنسبة 70% الان أنا متضامن معهم بنسبة 100% أما من اعتدوا علي فلن أترك حقي.. أنا حددت اللي اعتدوا علي في محضر رسمي والتحقيق جاري الان وسآخذ حقي وأي مبلغ تعويض أحصل عليه سأتبرع به لنادي القضاة وللجمعيات الخيرية ولكل مواطن يهان في مصر.

ــــــــــــــــــــــــــــــــــــــــــــــــــــــــــــــــ
دى حالة مصر والظلم فمصر ... بالظبط قبل الثوره بس يا ترى الثوره الجايه هتكون بيضه بردو ؟؟
لكى الله يا مصر

Read more »

اعتراف طفل

بداية احب ان اقدم همسات وذكريات حدثت بالفعل لكل مهتم بكل ماهو مثير
حقا ما سأكتب الى حد كبير شيق وممتع ... أعتقد أن كل منا مر بموقف مشابه لكننى لم ولن اكتب لشخص بعينه وانما ادون لأنى اردت ان ادون لا لأن يقرأها شخص بعينه او اى شخص ... بل لأقرأها انا فى وقت ما وابتسم ابتسامة رضا تدل ان هناك لحظات لم تضع هباء فى هذه الحياة ...امضاء (عاشق للحرية ) شكرا
***************************************************************
عن الصداقة :
----------
يوما ما اعتقدت انى لن استطيع ان اكون شخص اجتماعى ابداً ... الى حد كبير كنت معقد من رفقاء السن فى وقت كان من المستحيل ان اندمج معهم ... لا لأنى اكبر عقلا بل لأنى اقل حركة واكثر توحدا وقتها لكنى اندمجت ولهذا قصة
***
رابعة ابتدائى كبرت يا (م) ودخلت رابعة ... لازم تاخد درس عشان تبقا صاحى ف الفصل مع الابله عشان يا حبيبى معدوش عندهم ضمير والعدد كبير اوى ف الفصل
لم تقال هذه الجمله لكنها قيلت ضمنيا بل نقشت اكاد اسمع حروفها بلا صوت لشخص يذكر ، دليل على نضارة التعليم فى بر المحروسة ...
عام 97 لم يكن يسيطر وقتها على الشباب اكثر من 3 شخصيات عادل امام وعمرو دياب وحسام حسن ... شباب مصر ف المعظم كانوا متأثرين لحد كبير بالثلاثه كان هناك الكثير لكن الثلاثه كانوا على القمة ... وقتها كان الشباب يتطور سريعا لم يعد ابن القريه او شباب الاقاليم يختلفوا عن القاهرى وشباب المدن الكبرى ... تفتح الشباب الى حد كبير فى اواخر التسعينات الى ان صار الكل واحد لكن اختفت القيم من ثلاثة ارباع هذا الواحد ...
"جيل البانك بيكبر " شباب اواخر الثمانينات المظلوم ... واظن كل من لديه اى قريب عاصر هذه الفتره سيعرف ماهو البانك والعياذ بالله ... عادل امام مازال يخرج الكثير من النجوم الصغار انه مستقبل مشرق ... سيظل عمرو على القمة وفؤاد له شعبيه كبيره ... حسام سيعيد ايام الخطيب ...التحول من الثقافات الاجنبيه والفنون ومايكل جاكسون الى الثقافات المحلية ... نبيل فاروق كاتب جيد لكنه مبالغ ... ملف المستقبل روايات رائعة حقا لكن تستحيل الحدوث ... (هوجة) عبدة الشيطان وصلات القمار و (الديسكو) اندثرت من مدة متبعها هو مختل ... الشباب يبحث عن ثوب يدخل به الالفيه الجديدة ... ضعاف النفوس فى امان لرضا الناس الى حد ما عن الوقت الحاضر ...
هذه مصر كما اراها فى هذا الوقت ... كنت فى سن صغير وهذا ما اتذكره وما افهمه من الاحاديث عن تلك الفتره وما فهمته بعد ذلك فارجو العذر ف السهو والنسيان والخطأ ... ماذا عنى قى هذه الفتره ؟؟؟
احب قراءة القصص /احب البيت وجوه لكننى لم اختر هذا الحب /احلم ان اكون شرطى وان اصبح يوما ما (بروسلى) وان اتزوج حسناء كالممثلات ... ايضا اريد ان اكون محاميا واريد ان اكون بحارا وطيارا اريد ان اكون فلاحا وعامل فمصنع كبير وصاحب هذا المصنع ... اردت ان اكون كل شئ ... حببتنى السينما فى كل دور والافلام الاجنبيه حببتنى فى هذه المناطق الجميله ... من صغرى اردت ان ادور حول برج ايفيل يوما ما وان اراه من كل الجوانب ... اود ان ارى شعوب لا تمتلك غير العيون الزرقاء والخضراء ... اردت ان ارى اناس يتحدثون بغير لغة الضاد ... كان حلمى ان اكون كل شئ لكن اكثر ما تمنيته هو ان اكون ضابط ... بعد ذلك حددت وجهتى وتمنيت ان اكون ممثلا لأكون كل شئ واشخص كل شخصية لأنى اشعر ان كل هذا بداخلى ولا اريد ان يموت بداخلى الصياد والعامل والضابط والطيار والبحار .. اريد ان استخدمهم قبل ان يتلاشوا الى الابد ليعيننى الله على ذلك
بلا غرور استطيع بصدق ان اتوصل ان افكارى كانت كبيرة و غريبة على سنى ... والبيت اردنى ان اكون طيب لكنه اخرج طفل (بيتى) فقط لا غير
ـــــــــــــــــــــــــــــــــــــــــــــــــــــــــــ
درس يعنى ناس فسنى و استاذ كبييييييييييير عارف كل شئ عن اى شئ واسمه منسى لأن اسمه هيفضل الاستاذ على طول
كلنا كنا متخيلين ان دا عالم زمانه ... لما كان بيتكلم كنا بنسكت عشان نسمع حاجات مش اى واحد يعرفها ... الاستاذ قربنى منه وحسسنى وحسس المجموعه كلها انى مميز ... حبيت الموضوع دا اوى وكنت دايما بحاول اكون عن حسن ظنه ... قابلتهم هناك (ح) و (د) و (ع)ابتدينا نعرف بعض ونلعب مع بعض ونقرب من بعض عن باقى المجموعه ... ساعتها مقدرش اقول كان لينا صفات محدده ممكن يكون كل شوية كان فى اتنين بيقربوا من بعض اكتر بالتناوب انما صفات وعيوب وميزات مظنش اننا كنا نقدر نلاحظها ... عرفت انى لازم يكون عندى 9 او 10 سنين مش اكتر ... ازيد من كدا هكون مرفوض من اى حد ف اى مكان ... قربنا من بعض وكنا بنحرص اننا نقرب اكتر ... حصلت بينا مشاكل خصوصا انا كنت هبعد فثانوى لكن دايما ربنا كتبلنا نفضل مع بعض ... يا ريت نفضل مع بعض ادعولنا
------------------------------------------
اظن ان مدة 8 او 9 سنين نعرف بعض مش قليله ... كل واحد فينا فيه عيوب لكن العشره بتضيع كل دا لو كنا لسة عارفين بعض مكناش قدرنا نستحمل بعض انما الوقتى اظن اننا بنحب بعض من غير مقابل رغم اختلاف افكارنا واحلامنا واسلوبنا نفسه ف الحياه لكن اللى واثق فيه ان بعد 9 سنين ازيد من نص عمرنا تقريبا بنحب بعض ....
------------------------------------------
لما اتعرفت عليهم كنت عارف ف المدرسه صحاب وهم ... بس هم قربوا لأنى بشوفهم ف الاجازات بحكم اننا كلنا تقريبا فمنطقه واحده ابعد واحد الفرق بينا وبينه 10 دقايق ...حبيت احس ان ليا اصحاب زى اخواتى وبنزلهم واعد معاهم بردو
------------------------------------------
عن أول حـ ... :
-------------
بعد معرفتهم وابتديت اعرف معنى ان يكون ليا صحاب برا سور المدرسة حسيت انى كبرت شوية ... ياااااااااه فين ايام اولى والحضانه ... هو احنا عيال ولا ايه ؟؟؟
وكمان دى احلى واحده انا شفتها ... بصراحه هى زى العسل ورقيقه اوى ... مش زى (د) ناشفه كدا ... ومعايا ف المدرسة كمان ولسه جاية الدرس جديد ... طبعا هى احلى واحده
لكن (د) كان بيحب يتراخم عليها ... وانا طبعا متابع لأعمال فنانينا العظام وعرفت ان لما حد يتراخم على بنت انت بتحبها لازم تاخد موقف حتى لو كان اتخن منك زى (د) عامة يبقا يتراخم تانى وهتشوفوا انا هعمل ايه ... !
فيوم خارجين بعد عنيا مجت فعنيها كذا مره ... والله بتحبنى يا جدعان انتوا مختوش بالكوا
بيقول(د) طب مهى بتبصلى انا كمان
بيقول(ع) وبصتلى والله بجد
طيب هنشووووووووووووووووووووووووف
بعد كدا (د) جه وحاول يهرج معاها تهريج رخم ... وانا نفذت اللى كنت ناوى عليه رحت و زعقتله وطبعا سمعت موسيقى الافلام العربى اللى بتدل على بداية حب بين البطل والبطله ... هى ابتدت تعجب بالمنقذ الجديد اللى هو انا وانا نفسى كنت دايب فحضرتها
حب الطفولة انقى حب اول بنت ومفيش اى حاجه عكرت صفاوة تفكيرك ف البنات ككل
صاحبتها جدااا ... بعد كدا اكتشفت انها هى كمان سمعت نفس الموسيقى بتاعت الافلام العربى ... ارتباطنا من غير بحبك
لكنه فعلا كان قوى لكنه ضاع بمجرد مدخلت مدرسة بنات وانا دخلت مدرسة ولاد ... سابلى ذكرى حلوه وبسمة بيسيطر عليها شجن كل مشوف بنت شكلها
عرفتها لمدة سنتين لكن كانت كتير بالنسبة لسنى ... مقدرش ادعى انى بحبها لكن كل اللى اقدر اقوله انها ايام حلوه مقدرش اندم على لحظه منها حتى المرتبط بيها حاليا وبحبها وبحترمها هقلها دا بدون خجل
--------------------------------------
كلنا معادا (ح) كنا فاكرين ف الاول انها بتحبنا كلنا لكن طبعا هى كانت معجبة بالوحش اللى بيكتبلكو الكلام دا الوقتى
حبيتها /بعدت/تعبت/نسيتهاااااا/ضحكت
--------------------------------------
اندمجت من طفوله لمراهقه وانا طبيعى جدا مع اصحابى مشاكل ومباهج
نتصالح يوم نتخاصم يوم ... لكن عنهم نفسهم وصدمة الثانوى دا موضوع كبيييييييييييييير
لكن دا وقت تانى

Read more »

لا تصالح

من جديد دعونا نتذكر ما نحن فيه

من جديد نعرف (بل نوقن) اننا بالكاد عرب ... كلمة عربى اشعر انها وصف اكبر من ان يوصف به المعظم ف الوقت الحالى

انها محنة ولن تعدى الا بتحرك ... ما سيقدم الان هو رائعة امل دنقل الشهيره ... لابد وان توجد بكل مدونه

حتى لو كانت للتذكر

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا تصالح

مقتل كليب (الوصايا العشر) (.. فنظر "كليب" حواليه وتحسَّر، وذرف دمعة وتعبَّر، ورأى عبدًا واقفًا فقال له: أريد منك يا عبد الخير، قبل أن تسلبني، أن تسحبني إلى هذه البلاطة القريبة من هذا الغدير؛ لأكتب وصيتي إلى أخي الأمير سالم الزير، فأوصيه بأولادي وفلذة كبدي.. فسحبه العبد إلى قرب البلاطة، والرمح غارس في ظهره، والدم يقطر من جنبه.. فغمس "كليب" إصبعه في الدم، وخطَّ على البلاطة وأنشأ يقول ..)
(1)

لا تصالحْ ! .. ولو منحوك الذهب أترى حين أفقأ عينيك، ثم أثبت جوهرتين مكانهما.. هل ترى..؟ هي أشياء لا تشترى..: ذكريات الطفولة بين أخيك وبينك، حسُّكما - فجأةً - بالرجولةِ، هذا الحياء الذي يكبت الشوق.. حين تعانقُهُ، الصمتُ - مبتسمين - لتأنيب أمكما.. وكأنكما ما تزالان طفلين! تلك الطمأنينة الأبدية بينكما: أنَّ سيفانِ سيفَكَ.. صوتانِ صوتَكَ أنك إن متَّ: للبيت ربٌّ وللطفل أبْ هل يصير دمي - بين عينيك - ماءً ؟ أتنسى ردائي الملطَّخَ بالدماء.. تلبس - فوق دمائي - ثيابًا مطرَّزَةً بالقصب ؟ إنها الحربُ ! قد تثقل القلبَ .. لكن خلفك عار العرب لا تصالحْ .. ولا تتوخَّ الهرب !

(2)

لا تصالح على الدم .. حتى بدم ! لا تصالح ! ولو قيل رأس برأسٍ أكلُّ الرؤوس سواءٌ ؟ أقلب الغريب كقلب أخيك ؟! أعيناه عينا أخيك ؟! وهل تتساوى يدٌ .. سيفها كان لك بيدٍ سيفها أثْكَلك ؟ سيقولون : جئناك كي تحقن الدم .. جئناك . كن - يا أمير - الحكم سيقولون : ها نحن أبناء عم. قل لهم : إنهم لم يراعوا العمومة فيمن هلك واغرس السيفَ في جبهة الصحراء إلى أن يجيب العدم إنني كنت لك فارسًا، وأخًا، وأبًا، ومَلِك!

(3)

لا تصالح .. ولو حرمتك الرقاد صرخاتُ الندامة وتذكَّر .. (إذا لان قلبك للنسوة اللابسات السواد ولأطفالهن الذين تخاصمهم الابتسامة) أن بنتَ أخيك "اليمامة" زهرةٌ تتسربل - في سنوات الصبا - بثياب الحداد كنتُ، إن عدتُ: تعدو على دَرَجِ القصر، تمسك ساقيَّ عند نزولي.. فأرفعها - وهي ضاحكةٌ - فوق ظهر الجواد ها هي الآن .. صامتةٌ حرمتها يدُ الغدر: من كلمات أبيها، ارتداءِ الثياب الجديدةِ من أن يكون لها - ذات يوم - أخٌ ! من أبٍ يتبسَّم في عرسها .. وتعود إليه إذا الزوجُ أغضبها .. وإذا زارها .. يتسابق أحفادُه نحو أحضانه، لينالوا الهدايا.. ويلهوا بلحيته (وهو مستسلمٌ) ويشدُّوا العمامة .. لا تصالح! فما ذنب تلك اليمامة لترى العشَّ محترقًا .. فجأةً ، وهي تجلس فوق الرماد ؟!

(4)

لا تصالح ولو توَّجوك بتاج الإمارة كيف تخطو على جثة ابن أبيكَ ..؟ وكيف تصير المليكَ .. على أوجهِ البهجة المستعارة ؟ كيف تنظر في يد من صافحوك.. فلا تبصر الدم.. في كل كف ؟ إن سهمًا أتاني من الخلف.. سوف يجيئك من ألف خلف فالدم - الآن - صار وسامًا وشارة لا تصالح ، ولو توَّجوك بتاج الإمارة إن عرشَك : سيفٌ وسيفك : زيفٌ إذا لم تزنْ - بذؤابته - لحظاتِ الشرف واستطبت - الترف

(5)

لا تصالح ولو قال من مال عند الصدامْ " .. ما بنا طاقة لامتشاق الحسام .." عندما يملأ الحق قلبك: تندلع النار إن تتنفَّسْ ولسانُ الخيانة يخرس لا تصالح ولو قيل ما قيل من كلمات السلام كيف تستنشق الرئتان النسيم المدنَّس ؟ كيف تنظر في عيني امرأة .. أنت تعرف أنك لا تستطيع حمايتها ؟ كيف تصبح فارسها في الغرام ؟ كيف ترجو غدًا .. لوليد ينام - كيف تحلم أو تتغنى بمستقبلٍ لغلام وهو يكبر - بين يديك - بقلب مُنكَّس ؟ لا تصالح ولا تقتسم مع من قتلوك الطعام وارْوِ قلبك بالدم.. واروِ التراب المقدَّس .. واروِ أسلافَكَ الراقدين .. إلى أن تردَّ عليك العظام !

(6)

لا تصالح ولو ناشدتك القبيلة باسم حزن "الجليلة" أن تسوق الدهاءَ وتُبدي - لمن قصدوك - القبول سيقولون : ها أنت تطلب ثأرًا يطول فخذ - الآن - ما تستطيع : قليلاً من الحق .. في هذه السنوات القليلة إنه ليس ثأرك وحدك، لكنه ثأر جيلٍ فجيل وغدًا.. سوف يولد من يلبس الدرع كاملةً، يوقد النار شاملةً، يطلب الثأرَ، يستولد الحقَّ، من أَضْلُع المستحيل لا تصالح ولو قيل إن التصالح حيلة إنه الثأرُ تبهتُ شعلته في الضلوع.. إذا ما توالت عليها الفصول.. ثم تبقى يد العار مرسومة (بأصابعها الخمس) فوق الجباهِ الذليلة !

(7)

لا تصالحْ، ولو حذَّرتْك النجوم ورمى لك كهَّانُها بالنبأ.. كنت أغفر لو أنني متُّ.. ما بين خيط الصواب وخيط الخطأ . لم أكن غازيًا ، لم أكن أتسلل قرب مضاربهم أو أحوم وراء التخوم لم أمد يدًا لثمار الكروم أرض بستانِهم لم أطأ لم يصح قاتلي بي: "انتبه" ! كان يمشي معي.. ثم صافحني.. ثم سار قليلاً ولكنه في الغصون اختبأ ! فجأةً: ثقبتني قشعريرة بين ضعلين.. واهتزَّ قلبي - كفقاعة - وانفثأ ! وتحاملتُ ، حتى احتملت على ساعديَّ فرأيتُ : ابن عمي الزنيم واقفًا يتشفَّى بوجه لئيم لم يكن في يدي حربةٌ أو سلاح قديم، لم يكن غير غيظي الذي يتشكَّى الظمأ

(8)

لا تصالحُ .. إلى أن يعود الوجود لدورته الدائرة: النجوم.. لميقاتها والطيور.. لأصواتها والرمال.. لذراتها والقتيل لطفلته الناظرة كل شيء تحطم في لحظة عابرة: الصبا - بهجة الأهل - صوتُ الحصان - التعرف بالضيف - همهمة القلب حين يرى برعمًا في الحديقة يذوي - الصلاة لكي ينزل المطر الموسمي - مراوغة القلب حين يرى طائر الموت وهو يرفرف فوق المبارزة الكاسرة كلُّ شيءٍ تحطَّم في نزوةٍ فاجرة والذي اغتالني: ليس ربًّا ليقتلني بمشيئته ليس أنبل مني.. ليقتلني بسكينته ليس أمهر مني.. ليقتلني باستدارتِهِ الماكرة لا تصالحْ فما الصلح إلا معاهدةٌ بين ندَّينْ .. (في شرف القلب) لا تُنتقَصْ والذي اغتالني مَحضُ لصْ سرق الأرض من بين عينيَّ والصمت يطلقُ ضحكته الساخرة !

(9)

لا تصالح ولو وَقَفَت ضد سيفك كلُّ الشيوخ والرجال التي ملأتها الشروخ هؤلاء الذين يحبون طعم الثريد وامتطاء العبيد هؤلاء الذين تدلت عمائمهم فوق أعينهم، وسيوفهم العربية، قد نسيتْ سنوات الشموخ لا تصالح فليس سوى أن تريد أنت فارسُ هذا الزمان الوحيد وسواك .. المسوخ !

(10)

لا تصالحْ لا تصالحْ

Read more »

ميل2

تخصصت بعض المجموعات على الشبكه
بارسال مثل هذه الرسائل ... فلم اكن لأبخل بها على مدونتى وزوارها
( ان كان لها زوار )
الميل الثانى بعنوان :- يوميات ارهابى

************************

فى ظل ما تعانيه الامة من وحده وغربه وشرود

فى ظل ما نعانيه من تعبيرات مشينه اطلقت علينا بلا ادنى ذنب ارتكبناه ...ان قلنا ذنب فهى الفرقه

ان قلنا ذنب فهو حب الدنيا وكراهية الموت ... ولهذا ان كنت متمسك بدينك على نهج السلف الصالح فاعلم جيدا

انك ارهابى من سلالة ارهابيين ... كان اختيارى لهذه المادة لتعى فعلا انك ارهابى فعلا كما يطلقون عليك

فرعون حر

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يوميات ارهابي

كنت اسمع عن الارهاب ... والاجرام وانا ( ثور الله في برسيمه ) لم اكن اعلم أني احمل في داخلي بوادر الاجرام !!!
استعرضت حياتي يوماً يوماً وقارنت نفسي مع هؤلاء المجرمين وللاسف بدأت تزداد شكوكي !!!!
انظروا ماذا يفعل الارهابيين ........
أول شيء يجب أن يقوم به الارهابي ليبدأ به يومه الاجرامي .. هو صلاة الفجر في
المسجد والصلاة في المسجد دليل تميزه
عن غيره من الارهابيين الذين يصلون في بيوتهم والصلاة في المسجد وفي الوقت المحدد
دليل على انه ضليع في الاجرام ...
فالارهابيين المستجدين في عالم الاجرام يصلون الفجر عندما يستيقضون للذهاب
للعمل وهؤلاء خطرهم قليل لكن
البذور الاجرامية موجودة في داخل كل منهم !!!!!!!
ومن صفات الارهابيين ـ التي تكشفهم مهما حاولو التخفي ـ الاكثار من بعض الكلمات
والطلاسم المحضورة والمشبوهة ومن
هذه العبارات على سبيل المثال ( الحمد لله .. توكلت على الله ... لا حول ولا قوة
الابالله ... استغفر الله ... حسبي الله ونعم الوكيل )
اما اخطر هذه العبارات على الاطلاق والتي تعتبر بمثابة شعار لكل الارهابيين ـ
صغارهم والروس الكبار ـ فهي
العبارة التي يقولون فيها ما معناه ( لا اله الا الله محمد رسول الله ) !!!!
ونصيحة من محب ... اذا رأيتم الرجل يعتاد المساجد فاعرفوا أنه ارهابي يحمل الاجرام
في داخله .... فاحذروه !!!
طبعاً اعترف اني كنت غافلاً بعيداً عن العالم وتطوراته ولم انتبه لنفسي حتى رأيت أن كل
أعراض الارهاب والاجرام التي اسمع عنها في كل وسائل الاعلام
تنطبق عليّ في كثير من الاوجه !!!!!
بدأت اراجع نفسي ومفاهيمي التي أوصلتني لهذه الحالة المترديه .. والميؤس منها على
الارجح !!!
اعترف أمامكم وأنا في كامل قواي العقلية أني لم اكن أعلم بأني ارهابي ومجرم حتى
سمعت أوصاف الارهابيين في كل وسائل الاعلام !!!
لقد سمعتهم يصفون ارهابياً أوصافاً القصد منها الاثبات انه ارهابي فقالو بالنص
( كان يزيل الكريمة من على قطع الكيك لأنه يشك أن بها من مشتقات لحم الخنزير) !!
يالله ... هذه الحركة الاجرامية تحديداً قمت بمثلها تماماً وعدة مرات .. ولكن اغفروا لي ..
اقسم اني لم اكن اعلم أن ذلك الفعل
فيه "قلة أدب" !!!!!
وقد قيل أيضاً عن أحد هؤلاء المجرمين كلاماً يثبت جرمه بما لا يدع مجالاً للتأويلات
أو افتراض حسن النية لقد قيل :
(لقد كان يحاول دائماً أن يصلي بشكل جماعي مع آخرين ) !! يالله كم انا مجرم ..
ولكن صدقوني لم أكن أعلم ...
أنا مخدوع مثل كثيرين منكم .. ان لم تكونوا كلكم !!!!!!
راجعت نفسي مراراً وقلت لعل هؤلا القوم لا يفهموننا وبنوا تعريفاتهم عن جهل بنا ..
وكان الحل في وجهة نظري الا استمع لوسائل أعلامهم حتى ابتعد عن الوسوسة ..
واتجهت الى بني جلدتي ... وتأكدت اني لم أكن واهماً ....
فالمذيع العربي .... المسلم .. يسأل والد أحد أولئك المتهمين " هل تعتقد أن ابنك أحد
هولاء الارهابيين "
فيجيب الوالد العربي ..المسلم .. محاولاأ نفي التهمة عن ولده ..البريء .. المسكين قائلاً :
لا ....لا.... أبداً ... لقد كـان ولدي يشرب (يعني يسكر) ..
وله صديقة .... ويدخل كل الحانات والمراقص ... لقد كان محترماً وليس له علاقة بقلة
الادب التي تسمى اصطلاحاً "تديّن" !!!!!!!!!!
واعلامي آخر عربي ... مسلم يسأل والداً آخر هل كان ابنك متديناً ؟؟
فيجيب الأب العربي .. المسلم .. : أبداً .. لا تقولوا هذا الكلام عن ابني ..
ولا تحاولو أن تشوهوا صورته !!!
اذاً لم تكن وسوسة .. ولم تكن شكوكاً .. ولا وهماً ...
أنا فعلاً ارهابي ابن ارهابي ... واجدادي أهل الارهاب !!!!

Read more »

ميل 1

تخصصت بعض المجموعات على الشبكه

بارسال مثل هذه الرسائل ... فلم اكن لأبخل بها على مدونتى وزوارها

( ان كان لها زوار )

الميل الاول بعنوان :- اعرب يا ولدى

************************

أعرب يا ولدي
قال المدرس
"عشق المسلم أرض فلسطين"
قال الطالب:
"نسي المسلم أرض فلسطين"
الأول: فعلٌ مبني فوق جدار الذلة والتهميش...
والفاعل مستتر في دولة صهيون..
والمسلم: مفعول...
بل مكبولٌ في محكمة التفتيش!!...
وأرض فلسطين!!..:
ظرف مكانٍ مجرور قسراً..
مذبوحٌ منذ سنين
قال المدرس:
ياولدي مالك غيرت فنون النحو وقانون اللغة..
يا ولدي إليك محاولة أخرى ..
أعرب " صحت الأمة من غفلتها"
قال التلميذ:
الفعل ماضٍ ولّى .. والمستقبل مأمول..
والتأء ضمير تخاذلِ.. ذلٍّ وهوانِ...
الأمة: اسمٌ كان رمز النصر على أعداء الإسلام..
وبات اليوم ضمير الصمت في مملكة الأقزامِ...
وحرفٌ جر الغفلة... غطى قلوب الفرسانِ..
فباتو للدنيا عطشى
شروها بأغلى الأثمانِ...
الهاء: نداء رضيع..
مات أسير الحرمان...
قال المدرس:
يا ولدي نسيت اللغة
وحرّفت معاني التبيان..
قال التلميذ:
استاذي بل إيمانٌ قلّ ..
وقلبٌ هجر القرآن...
نسينا العزة والتاريخ والأمجاد نصنّعها..
صمتنا باسم السلم وقد عاهدنا بالاستسلام...
دفنا الرأس في قبر الغرب
وخنّا عهد الفرقان...
معذرة حقاً استاذي..
فسؤالك حرك أشجاني...
ألهب وجداني ...
معذرة ..
فسؤالك نارٌ تبعث أحزاني..
وتحطمم صمتي .. وتهد كياني..
عفواً يا أستاذي..
نطق فؤادي قبل لساني...

Read more »

مدونون مع الرسول

بسم الله الرحمن الرحيم

فتصفحى لبعض المدونات وجدت الشعار دا وعجبنى جدااااااا

حبيت انشره وانشر طريقة وضعه فى اعلى اليسار للمدونه كما فى مدونتى ... جزا الله خيرا من شرحها لأول مره وارجو نشر طريقة الشرح فى كل مدونة تضع هذا الشعار ليستفيد الجميع

الطريقة غاية فى السهولة :

1.فقط قم بنسخ الكود التالى بعد تحميله

http://tadwen.com/code.zip

2 .اذهب الى

(Template)

فى اعلى المدونة

3 .الصق نفس الكود فوق وسم

(body) مباشرة

4 .سيصبح الشعار فى اعلى اليسار فى مدونتك ( لتكون مع الرسول ) بس

Read more »

الوحدة

بسم الله الرحمن الرحيم
ساعات الواحد بيحس بوحدة ... مشكلتى انى مدمن للأحساس دا
اكيد مش بأرادتى انى احس بكدا انما الموضوع كان بيزيد معايا ... عادى انى اكتب واكتب عن نفسى اساسا بيكون فيه متعه انما ساعات بحس ان مش ضرورى حد يقرا اللى بكتبه او اساسا لازم محدش يقراه ... وساعات بحس انى عايز كل الناس تقرا اللى بكتبه ... الكتابة بالنسبة ليا من مدة ادمان ... قبل منرجع لموضوع الوحده ... سألت نفسى سؤال مهم ...!
ليه انا بكتب هنا اساسا ؟؟ ... الاجندات والكشاكيل موجوده وفيها كلام كتبته من زمان ولسه بكتب
كتبت عن كل حاجه مريت بيها وكل حاجه قريتها وكل حاجه حتى سمعت عنها ... قلت رأيى بصراحه لأنى عارف ان محدش هيقراه وكنت سعيد اوى وانا بكتب دا ... بكتب بهبل او بعبط بكتب بتركيز بالعاميه او بالفصحى
مش بيكون فارق معايا ساعتها .. افكار مجرده اتحولت لحبر على ورق ومحدش هيقراه غيرى ... ممكن فكره انى اكتب هنا تكون عجبتنى شفتها وحبيت اجربها ... بس لازم اكتب بحذر ؟؟؟
اظن مش لازم ... هكتب بنفس اسلوبى العفوى متوقعش اساسا كتير هيزور الصفحات دى وحتى لو حد زارها من حقى ان يقرا بقوانينى انا ... اكيد لازم الانسان فلحظه يحس انه ليه سلطه .. اى سلطه حتى لو على نفسه ... للأسف حتى ساعات بنفتقد السلطه دى ودى مشكلة الحرية عامة ف العالم كله مش فبيتك او مدينتك بس ... يبقى نعيش السلطه دى ع النت حتى
بعدنا اوى عن موضوع الوحده انما اى اخطاء (من وجهة نظرك) ممكن تكون صحه (من وجهة نظرى) هجرب اكون صريح جدا هنا
الوحدة او الاحساس بيها ليها اسباب عندى مثلا او عندك ... لو فيوم بصينا لحياتنا هتلاقوا نفسكم دايما فوحدة وهتموت لوحدك وهتتحاسب لوحدك وهتثقف لوحدك وهتجهل لوحدك دايما انت لوحدك بس اوقات تجمعك بتكون مراحل ولازم تنتهى ... حتى الشخص اللى هترتبط بيه هيموت فوقت وانت فوقت وحسابكوا هيختلف ... دايما بتتردد فعقلى عبارة الاسلام هو الحل ... فعلا هو الحل بس المشكله انه حل وحيد لعقول مختلفه وديانات وإلحاد ومشاكل فصعب نصدق (اقصد يصدقوا) ان فى نظام او دين مكون من شرائع وعقيده هو الحل لكل مشاكلنا عشان كدا هتلاقى كتير مش بيصدقوا ودول محتاجين فعلا وقفات مع نفسهم ومعرفة ايه اصل مشكلتهم وبعد كدا يدوروا على حل افضل من الاسلام وشريعته ولو وجدو الحل دا يا ريت ينشروه ويبقى دا هو الحل
بس وسط البعد الرهيب اللى احنا بنعيشه والفتن فعلا الوحده بتتعبنا وهتتعبنا ... ولد كويس وبيئه كويسه بس مش قادر يندمج مع اصحابه بنت محترمه مش قادره تتعايش مع زميلاتها ... انسان صادق مش قادر يعيش وسط كدابين ... انسان بيفهم تعب م العيشه وسط اغبيه ... دايما وحده / حتى كتير وسط اصحابهم بيكونو قاعدين زيادة عن 6 او 7 وحاسس بوحدة ... غربة رهييييييييييييبة
حتى مع اقرب الناس ليه بيفتكر الوحده مش بيحسها بس بيكون مستطعمها ... ساعات الوحده ف الزمن دا يكون ليها طعم ولون وريحة
فى الشريعه الاسلامية لازم نلزم جماعة ملتزمه لأن الذئب لا يأكل من الغنم الا القاصية ... بس فييييين الجماعه الملتزمه وهل لو وجدتها هتقدر ع الفتن ...
الحل موجود بس فزمانا عايزينله حل
ولا ايه رأيك ؟؟؟

Read more »