Sunday, June 18, 2006

اشياء لا تنسى

كانت تخطو الى جوارى وتهمس فأسمعها بقلبى لا بأذنى
كنت اعلم انى اعشقها حتى النخاع .. اعلم جيدا اننى ان تنازلت عنها سأتنازل عن الحياه ذاتها
لكن الزمن داوى الكثير
وقتها اجتمع بقلبى الحب وبرائة الطفوله ... احببتها اكثر من ذاتى .. ذرفت مايعادل بحارا الما على فراقها .. لكننى ضحكت بعد ايام
وتناسيت
-------------------------------------------------------------------
- بحبك بكل ذره فكيانى
-طب هنرتبط ازاى واحنا قدامنا كتير .. انا منفعكيش
-مفيش غيرك ينفعنى
- متأكده انك هتكونى ليا
-ليك
- خلاص بحبك
**************
عمرها محبته ولا عمره حبها
وتناسيت
-------------------------------------------------------------------
عيونها صافيه .. لم ارى ف برائتها ... تبا للمراهقة
اريد ان اقول لها بملئ فمى اعشق حروف اسمك .. اعشق نظراتك اعشق كلماتك اعشق معنى وجودك
باختصار " بحبك بقا يابت انتى"
كبرت وقادر اقلك بحبك ... بس مجرد تسمعيها
مش مصدقانى ؟
طب والله بحبك ... بحبك بحببببببببببببببببببببببببببببببببببببببك
*****************************
فى يوم كانت نظراتها بمعنى موافقه
و يوم نظراتها بمعنى اشتاقك
و يوم نظراتها بمعنى احبك
لكن اخر يوم كانت نظراتها بمعنى لن اكون لك
وتناسيت
-------------------------------------------------------------------
ماتتت السعاده قبل امتحان الثانويه العامه بأيام
ماتت من دون ان تكون بجوارى ... ماتت حتى قبل ان اتصور يوما معنى موتها
***************************
جرس تليفون
- الو
- ..............
- ايييييييييييييييه؟ ... ازاى ؟
السماعه بتقع ع الارض
فى ايه ؟؟؟؟؟
مااااااااتت .. مين دى طيب
هى
وتسائلت فى عدم فهم " ماتت خالص يعنى ؟" وتسللت من عينى دمعه منذره بقدوم البحار
لكن ليس الان ... يجب ان اتماسك ... عندما اكون وحيدا ستعرف مصر معنى الفيضان
وتناسيت
-------------------------------------------------------------------
لم ادخل الكلية التى كنت ارجوها بسبب هذه الواقعه
لأننى لم اكن استذكر فى جو الحزن
والكل كان يلومنى .. الكل
وتناسيت
-------------------------------------------------------------------
تناسيت لكننى ابدا لم انسى
كلما اتذكر اى من هذا ومثله الكثير اعرف جيدا انى امثل دور الناسى
لكن كيف ينسى الحجر نقشه .. ؟
اريد ان انسى ... كيف ؟
الهمنى الصبر يا الهى

10 شاركنى ثورتى:

Anonymous said...
This comment has been removed by a blog administrator.
FrEe.PhArAoH said...

يا ريت الالفاظ القذرة دى متتقلش هنا
وكمان انت مجرد كافر فمش هوجع دماغى معاك

اشد مايحزننى الكافر الجاهل

Anonymous said...

lastknight said...
الى free pharaoh
ردك بما احتوى من سباب و تطاول على أى رأى يخالفك لا يستحق سوى التجاهل التام ..لكن أعمالا للصالح العام و مقاومة لسواد السطحيه الوهابيه فى مجتمعنا الذى نسعى به للرقى .. و رفضا لقيام أى طرف أو جماعه بادعاء الحيازه المنفرده للكلمه الألهيه .. اذكر الجميع بأن أحاديث و قصص السلف المزعوم حوت و لنحو عشرة قرون العديد من الأحاديث و الروايات المغلوطه تماما سواء بدافع من الأسرائيليه أو بدافع من شعوبية و عنصرية الناقلين للقصص أو بدافع من الجهل فقط .. و أذكر بمثال بسيط ضمن العديد من الأمثله بموقف الراحل الشيخ بن باز و الذى أنكر كروية الأرض حتى العالم 1974
و أسقط العالم الأسلامى كله و السعوديه خصوصا فى ديلمة فضيحه علميه و حضاريه و لم يتراجع عن رأيه رغم توسلات جميع شبوخ الأسلام له وقتها ألا بعد قيام الأمير نايف بالتدخل و تهديد بن باز ,, و بالتالى استجاب لرفض ( الحديث ) المذكور من باب أطاعة أولى الأمر فقط ..
أيضا أذكر برأى الشيخ المحلاوى أمام أحد المساجد فى الأسكندريه عام 1969 و الذى أنكر خبر وصول الأنسان لسطح القمر مدعيا بأن الأمريكان صوروا المسأله فى استديوهاتهم فقط باعتبار أن سلطان النفاذ بين السموات ة الأرض لا يأتى ألا لمسلمين فقط و لا يجوز للكفار ..
أذكر ايضا بما يحدث حاليا فى المجتمعات الخليجيه كلها و ليست السعوديه فقط من أنكار التزاوج بين الخليجيات و غير الخليجيين تمسكا بعنصريه قريشيه و عربيه و تجاهلا لمبدأ المساواه فى الحقوق و الواجبات بين المسلمين و ذلك استنادا ألى حديث تناقله السبف المزعم بأن الرياده فى قريش مابقيت الأرض ..
ولا نحتاج لأكثر من مراجهة كتب الوهابيه سواء للعثيمين أو العبيكان لنستطلع رأيهم فى وراثة الحكم .. و ما أوردوه من أحاديث و روايات سلفيه عن ضرورة توريث الحكم و ألا لا تستقيم الأمه
الوهابيه هى التسطيح و التبسيط المذرى فى أجل صوره .. و ادعاء الحق المنفرد فى الكلمه الألهيه ..و سيادة النقل البدائى على العقل المتحرر ..أكرر مره أخرى .. ردك و ما حواه من سباب يستوجب التجاهل .. لكن بتقييم موقف سريع و مقاومه لسيادة النقل على العقل .. ارسلت ردى أعلاه و طبعا مستعد للمناقشه فى حدود الأحترام فقط

1:10 PM

FrEe.PhArAoH said...

انا دلت كلامه تانى لانه قذر بردو
منا مش هسيب اى كلام هنا والسلام
الموضوع اسمه اشياء لا تنسى
مش عايز تعلق عليه ملوش دعوه بيه اقراه وامشى عايز تعلق يبقا يا ريت تعلق ع الموضوع نفسه
وكمان الرد عليا لما مدحت الوهابيه يكون فمكانه ف البلوج اللى مدحت فيه
وباحترام يا ريت ..
المعلومات الجميله اللى بتمتعونا بيها يا ريت تحتفظوا بيها لأن الكلام دا منا فى للعقل ومنافى للنقل .. بمعنى انا تبحرت الى حد ما ف الفقه والعقيده
ولله الحمد لم ولن يوجد اى معتقد او شريعه شاذه او مختلفه عن الفطره الانسانيه الطاهره .. فياريت تنشر فكرك على بلوجك
مشكور ع المرور للليله الاخيره مع اختلاف الرأى
ولأى حد بيحاول يشوه صورة علماء السلف (انت او هو ) يا ريت تبطل اللى (بتشربه) عفوا اللى بتقراه واقرا ميكى جيب احسن

FrEe.PhArAoH said...

فى حاجه كمان
فين الاحترام اللى انت مستعد للمناقشه فحدوده ؟؟
طالما انى اقول للى بيسب النبى يا كافر دى مديقاك
وبتعتبر ان ردى ميستحقش الرد
يبقا يا ريت العمل للصالح العام دا يكون على مدونتك .. و على فكره مجلات ميكى كويسه انا مكنتش بتريق ولا حاجه :(

ويا ريت يا ريت الاحترام يكون موجود هنا عشان اى كلام مش محترم او بيمس الدين الاسلامى هيدلت مش اكتر
انا سبتك عشان ارد عليك

Anonymous said...

والنبى تبطل كلام فى الدين عشان انت بتخلى الناس دى تسىء الى الاسلام بسبب الكلام الخايب اللى انت نتكتبه
ولا انت فاهم حاجة فى دين ولا فى سنة يأخى اكتب فى حاجة بتفهم فيها انت مالك بالكافر واللى مش كافر
كفاياكو بقى شغل الهبل اللى جابلنا الكفية دة
والنبى تكبروا شوية بقى البلد مش ناقصة فقر

FrEe.PhArAoH said...

بداية كلامك والنبى لو حضرتك بتفهم ف السنه مكنتش قلتها ..
يا ريت بس قبل متقول مبتفهمش فدين ولا فسنه تعرف انت بتفهم فيهم ولا لأ
عامة انا مقلتش انى عالم
بس بقول اللى يغلط ف الرسول يبقا كافر
لو متعرفش كدا يبقا انت فمشكلة فعلا
اكيد البلد مش ناقصة طول مفيها جهل دينى .. جميلة اوى كلمة تكبروا .. نكبر للى بيسئ للرسول تقصد
بشكرك على توضيح وجهة نظرك

هشام علاء said...

احم احم

معلش يا جماعة ان جيت اعلق على البوست لقيت التعليقات بتتكلم عن حاجة تانية غير البوست لدرجة انى افتكرت ان التعليقات دى على بوست تانى غير البوست اللى انا قريته

حد فاهم حاجة؟
.
.
.
ولا انا

عامة البوست جميل جدا و
فيه كلام رقيق

و المدونة تصميمها حلو جدا لانى بحب اللون الازرق جدا

و دمتم

FrEe.PhArAoH said...

اخيرااااااااااااااااااا
حد بيرد ع البوست نفسه .. انا مش مصدق عنيا
منور المدونه ياباشا .. اى حد من الملكهورية ينور طبعا .
انا نفسى نسيت البوست بيتكلم عن ايه
انا اتخضيت بردو لما قريت اول تعليق.. بس اول تعليق اللى دلت كان بيسئ لأخلاق النبى عشان كدا ادلت .. بعد كدا ابتدا الهجوم .
الموضوع كله ان فيه مدونه كانت بتتهم الوهابيه .. والتعليقات عليها كانوا بيوصفوا الوهابيين بالتخلف .. كان رأيى انه مش كدا ..
ف اللى جه جاى يتخانق ويوصل كلامه حتى لو اتكلم على بوست مختلف ..
عادى بقا .. جميل انك نورت مدونتى وشكرا ع الكلام الجميل اللى حضرتك قلته .. اتمنى فعلا انها تعجبك على طول
بس بجد اى كلام هيسئ للدين الاسلامى مش هسكت .. وكمان دى مش مدونه دينيه .
انا قريت التعليقات وتناسيت على فكره (: انما مدونتك لا اكيد متناسيتش ولا حاجه .

FrEe.PhArAoH said...

انا عارف ان ممكن ابو هريره ميقراش دا بس هكتب للأمانه مش اكتر
------------------------------
الكفر يابو هريره فى اللغة معناه تغطية الحق بالباطل و الحق ان محمد هو اشرف الخلق والباطل انه مكنش كويس فهنا تغطيه للحق بالباطل .. اما فى الشرع فهو نقيض الايمان والايمان هو الايمان بالله وملائكته وكتبه ورسله والقدر خيره وشره حلوه ومره
ومحمد نبى ورسول و مش عارف بجد انت مسلم ولا لأ .. لو مش مسلم يبقا اثلجت صدرى وعرفتنى انى على حق لما كنت بدافع عن السنه وابن تيميه والشيخ محمد ابن عبد الوهاب ... ولو مسلم فنا اتمنى ليك مزيد المعرفه
اللى يغلط فمحمد يبقا مش مؤمن برسالته مش مسلم يعنى ومش مؤمن برسول وشرط من شروط الايمان انك تؤمن بالرسل .. ودا كفر ف الشرع ... وقال الله تعالى ان لنا فيه اسوة حسنه .. فان لم يكن اسوة حسنه فهذا (حاشا لله ) تكذيب للخالق.. وهذا كفر ايضا
وقلت ان الاشراك هو ان اكفر من يخطئ ف النبى ... دعنى اقول ان الاشراك ليس له معنى الا عبادة اله غير الله اى ان الاشراك لا يساوى الا الاشراك

قلت
اذا اشترط ان يكون الايمان بالله ومحمد معا فهذا هو الاشراك بالله والكفر بعينه

دعنا نتسائل .. من اين لك بهذه المعلومات الدينيه .. كالعادة لا دلائل ولا حوار .... اشكر الله لوجود من هم فى تفكيرك وارائك حتى يثبت الله بهم الكثير

Twitter Delicious Facebook Digg Stumbleupon Favorites More

 
Design by قوالب بلوجر | Bloggerized by Lasantha - Premium Blogger Themes | Bluehost custom blogger templates