زحمة افكار

°¨¨™¤¦ بـسم الله الرحــمن الرحــيم¦¤™¨¨°
عودة للكتابة من جديد .. الكتابة بالنسبه للشخص اللى اتعود عليها ادماااااااااااان
بعد الفتره اللى فاتت اللى انقطعت فيها عن التدوين والكتابة عامة نتيجة لظروف كتير اهمها حالتى المزاجية اساسا .. فى اوقات بتحس ان التدوين فيه مجرد ترف .. قلت ارجع للكتابة بس بالعامية ع الاقل لو ف اول موضوع .. كل عام والكل بخير الاول
وانا ع النت بحب اتبحر وابحث واقرا عن حاجات غريبة يمكن فيوم اوصل للقب مثقف .. بعيد جدا اللقب دا .. اظن العمر هينتهى وهنفضل جهله بمعظم نواحى الحياة .. حتى العلماء جهله فنواحى كتير من الحياة .. فمجال مقارنة الاديان بالذات حبيت اعرف اكتر عشان ابقا مسلم عن اقتناع مش مجرد مسلم بالوراثه
وخصوصا احنا فرمضان والشعور الايمانى والدينى عالى زى عادة كل سنه بنحس اننا هنكسر الدنيا فرمضان من كتر الايمان وللأسف الهمم بتقل على نص رمضان
كنت بعتبر الشيعة اخوة مسلمين فتحت عينى على انهم يعتبروا ديانه تانيه اساسا .. ناهيك عن الديانات الاخرى .. والاهم حركات الالحاد .. شخص بينقد دينك مش بس كدا بينقد الهك او اى اله اساسا
قريت لناس ثورجية بس للأسف عايزينها سداح مداح من كله من اول الالفاظ والمعتقدات لحد المخدرات والزنى .. مش مشكله انت بتعمل ايه المهم انت بتفكر ازاى ... وعقول مأجورة .. ومعارك ف البالتوك والمنتديات .. والموضوع وصل لحد محاولات لمعرفة الاشخاص لأضرار بيهم ضرر جسدى .. الموضوع اتحول لحروب .. واللى ميعرفش قصة وسام عبد الله الداعية الاسلامى ع البالتوك اقله انت فنعمة .. لما الفكر والعقيدة تتحول لتحدى شخصى ومحاولة بعض المتطرفين تجنيد بنات يتعرفو على ادامن للغرف وحاجات كدا .. حوارات ملهاش لازمة .. الموضوع مبقاش فكر ومعتقد
اقباط بيعتبروا مصر احتلال اسلامى وبيحلموا بتحريرها .. مسلمين بيعتبرو مصر ارض محمد ومش عايزين اقباط بينهم .. ملحدين بيهبلوا .. يا نهار ابيض
الحمد لله على نعمة الاسلام والاعتدال .. واللى يقلك الفكر الوهابى فكر متطرف تيجى انت تشرحله ان محمد ابن عبد الوهاب اساسا عالم من اهل السنه والجماعه تقله طب اقرا كتبه .. دا على نهج السلف الصالح .. يا عم يهديك يرضيك .. لأ دا راجل متطرف .. مناقشات وحوارات ومحاولة الوصل للحقيقه .. وبعد كل دا تحس انك بالكاد طلعت بنتيجة ضعيفه .. كله يقلك الفكر الوهابى .. يا عم الحاج كلمة الوهابى نفسها نسبة للوهاب اللى هو ربك .. يا عمنا الموضوع ميتخدش قفش .. طب اتكلم .. لا هم متطرفين .. متطرفين متطرفين .. هم متطرفين وانت جاهل .. اذا كنت متعرفش حاجه عن ترجمة الشيخ نفسه .. اللى عايز يعرف اكتر عن الشيخ يبحث عنه بالمناسبة .. هو مش مثال للتطرف ممكن تقرا الموضوع دا :
http://worldkey.blogspot.com/2006_07_01_worldkey_archive.html
واللى عايز بحث كامل عن الوهابية يقشر بس وانا اثبتله انها زى الفل يعنى (( : اوك ) )
ليه اساسا بنعتبر انفسنا الصح المطلق .. مش يمكن انا نفسى متطرف .. انا مش شاكك فعقيدتى .. انا شاكك ف انى اكون متطرف فيها .. اكيد مفيش صح مطلق .. شايف ان المفروض القبطى يعرف انه الهه اله محبة والمسلم يعرف ان الرسول كان رحيم حتى بالحيوانات ويستحضر صورة فتح مكة .. اما الشيعه اللى بعضهم عايز يحرر المسجد الحرام من ايد السنه فنا بطالبهم بالتخلى عن المعتقدات العنصرية بتاعت الانتقام وسب امير المؤمنين عمر والصديق وامنا عائشة رضى الله عنهم جميعا .. معتقدات بالية طبعا .. اقولها بصدق بدون الخوف من انى اظلمه .. الملحدين من حقهم يختاروا توجهاتهم لكن بدون مساس لأى مقدس من مقدسات الديانات الاخرى .. انا عمرى مكنت عنصرى ولا اتمنيت اشوف الافكار دى وغيرها الالاف مش هى بس .. دا دى جزء من الافكار والتوجهات الدينية بس ... مبالك بالتوجهات السياسية والاقتصادية .. اختلاااااااااااااااف مثير للأشمئزاز
كنت فاكر وانا صغير خالص ان الناس انواع ولد وبنت .. هههههههههههههههههههههههههههه
اكتشفت ان الناس مش انواع لأن كل انسان فيها نوع لوحده اساسا
تقدر تضم مين على مين .. ياااااااااااااااااااااااااااااااااه .. مين دول يا عم الحاج .. حريم مسترجله مفيش احترام .. وشباب مش راجل معندوش افكار
ارحمونا بقاااااااااا .. هنتحرر امتى من الغزو الثقافى اللى احنا غرقانين فيه دا .. مش هننفع نكون كلنا واحد بس اكيد ينفع بعضنا يتخلى عن العنصرية والحكم يكون بميزان العدل .. فى مسلم متطرف وقبطى متطرف وبهائى خبيث و ملحد وقح دا موجود .. بس فين الاصل
ما عليك من الملحد لأن عقله هو الهه لو كان عقله تعبان يبقا ملوش حل .. الحل مخاطبة عقله فأنه يحترم الباقى بقا .. وياريت الاخوه اللى بتشتم فتدوينات حتى وهى بتمارس حريتها فكدا ترحمنا بقا .. عايزين نتحرر بقااااااااااااااااااااااااااااااااااااااا

انا زهقت كفاية كدا .. كل سنة وانتو طيبين يا رب .. تحياتى للكل معادا اصحاب الافكار الشاذه

Read more »

فى انتظار الشروق

( اجتازت مصر فترة عصبية في تاريخها الاخير من الرشوة والفساد وعدم استقرار الحكم وقد كان لكل هذه العوامل تاثير كبير على الجيش وتسبب المرتشون المغرضون في هزيمتنا في حرب فلسطين واما فترة ما بعد هذه الحرب فقد تضافرت فيها عوامل الفساد وتامر الخونة على الجيش وتولى امرهم اما جاهل او خائن او فاسد حتى تصبح مصر بلا جيش يحميها وعلى ذلك فقد قمنا بتطهير انفسنا وتولى امرنا في داخل الجيش رجال نثق في قدرتهم وفي خلقهم وفي وطنيتهم ولابد ان مصر كلها ستلقى هذا الخبر بالابتهاج والترحيب اما عن راينا في اعتقال رجال الجيش السابقين فهؤلاء لن ينالهم ضرر وسيطلق سراحهم في الوقت المناسب واني اؤكد للجيش المصري ان الجيش كله اصبح يعمل لصالح الوطن في ظل الدستور مجردا من اية غاية وانتهز هذه الفرصة واطلب من الشعب الا يسمح لاحد من الخونه بان يلجا لاعمال التخريب او العنف لان هذا ليس في صالح مصر وان أي عمل من هذا القبيل يقابل بشدة لم يسبق لها مثيل وسيلقي فاعله جزاء الخائن في الحال وسيقوم الجيش بواجبه هذا متعاونا مع البوليس واني اطمئن اخواننا الاجانب على مصالحهم وارواحهم واموالهم ويعتبر الجيش نفسه مسئولا عنهم والله ولي التوفيق اللواء اركان حرب محمد نجيب )

انطلق بها صوت السادات يدوى فى مسمع كل من له عقل على ارض المحروسه .. قامت الثورة ... نجحت الثورة ... سكن الوضع و عاد الفساد
عادت الرشوه .. عادت الوساطة .. عادت الفوراق الاجتماعيه الكبيره حتى رأى البعض ان الطبقه الوسطى اختفت وظهرت الطبقه المعدمة .. فقد صار هناك بالترتيب طبقة الاغنياء و طبقة الفقراء و طبقة المعدمين
عاد الفساد ولم يبقا من «ثورة يوليو» الا ذكرى ... عاد الفساد ولم يبقا منها غير افلام لقدام الفنانين ... افلام قديمة دابت نفسها من كثرة ما عرضت ... عاد الفساد ولم يبقا الا اشباه رجال يحكمون مقتنعين ان هم ورثة مصر ... عاد الفساد على يد الحكام والشعب على السواء ذهب عصر العظام ونعيش فى عصر اللئام ... عاد الفساد لسكون الشعب نفسه فى ذكرى «ثورة يوليو» العظيمه تصادف وجود شن حرب اسرائيليه على لبنان ومقاومة لبنانية عربية باسله .. ثبتهم الله .. وكل هذا من اجل جنديين وقعا فى الاسر .. لكنهم من اليهود
وكما نرى ونسمع فهم المدللين من كل دول العالم شرقا وغربا .. هذا ثمن اثنان من اليهود فما هو ثمن اطفالنا فى فلسطين والعراق واخواننا الافغان وحاليا الاشقاء اللبنانيين .. وما هو ثمن كل قطرة دم نزفت من اطفال بحر البقر ... اين ثمن المذابح ... اين ثمن دموع الارامل واليتامى والثكالى ... كل هذا دين فى جيد الكيان الصهيونى سيرد يوما طالما هناك عربى شريف على وجه الارض أمّا على صعيد مواجهة التحدّي الصهيوني ونقلا عن بعض المصادر، فقد وضعت قيادة «ثورة يوليو» منهاجاً واضحاً لهذه المواجهة، خاصّةً بعد حرب عام 67،

يقوم على: 1ـ بناء جبهةٍ داخليةٍ متينة لا تستنزفها صراعات طائفية أو عرقية ولا تلهيها معارك فئوية ثانوية عن المعركة الرئيسة ضدّ العدوّ الصهيوني، ومن خلال إعدادٍ للوطن عسكرياً واقتصادياً بشكلٍ يتناسب ومستلزمات الصراع المفتوح مع العدوّ.
( أين هى هذه الجبهه وسط فتن المسلمين والنصارى العرب ووسط فتن المسلمين السنه والمسلمين الشيعه انفسهم ؟؟؟)
2ـ وضع أهدافٍ سياسيةٍ مرحلية لا تقبل التنازلات أو التفريط بحقوق الوطن والأمة معاً، ورفض الحلول المنفردة أو غير العادلة أو غير الشاملة لكلّ الجبهات العربية مع إسرائيل.
( أين الحلول العادله يا حكام العرب ؟؟؟ )
3ـ العمل وفْقَ مقولة «ما أُخِذ بالقوّة لا يُسترّدّ بغير القوّة»، وأنّ العمل في الساحات الدبلوماسية الدولية لا يجب أن يعيق الاستعدادات الكاملة لحربٍ عسكريةٍ تحرّر الأرض وتعيد الحق المغتصَب.
( لايوجد غير الشعب المقاوم الباسل .. اين القوة المنظمة من قبل الحكومات ؟؟؟ )
4ـ وقف الصراعات العربية/العربية، وبناء تضامنٍ عربي فعّال يضع الخطوط الحمراء لمنع انزلاق أيّ طرفٍ عربي في تسويةٍ ناقصةٍ ومنفردة، كما يؤمّن هذا التضامن العربي الدعم السياسي والمالي والعسكري اللازم في معارك المواجهة مع العدوّ الإسرائيلي.
( ما اكثر الفتن )
هذا ما اعدته الثورة للعدو الصهيونى .. وقد زال بالفعل بدون اى تجميل ... فكيف نحتفل بذكرى مازال ... الاحتفال الحقيقى يوم الاطاحه بالانظمة المستبدة الحاليه ... الاحتفال الحقيقى يوم النصر الحاسم على الاحتلال ... الاحتفال الحقيقى يوم القضاء ع الفتن ... الاحتفال الحقيقى يوم تحسن الاقتصاد وتوفر فرص العمل ... الاحتفال الحقيقى يوم تخضير الصحراء ... الاحتفال الحقيقى يوم ان توجد دولة من المحيط الى الخليج بغير حدود سخيفه ما زلنا بحاجة عظمى لمبادئ وإنجازات ثورة يوليو لكن لا لكى نحتفل او نتباهى بقيامنا بالثورة و لكن لكى تستمر وتسرى هذه المبادئ والانجازات دون زيف الحكام الذين تعلمنا على ايديهم بغض كل ما هو رسمى معكم الله يا ابطال لبنان ... معك الله يا سيد حسن ... معكم الله يا اطفالنا وشبابنا فى فلسطين العزيز ... معك الله يا كل مجاهد ف العراق ... معك الله يا من تبحث عن العدل والسلام ليس اكثر ... معك الله يا من تعيش عصر الظلام والاستبداد فى مصرنا الغالية .. ولك الله يا كل من جاء من نسل العرب

Read more »

جرح اللسان

كان هناك طفل يصعب ارضاؤه
أعطاه والده كيس مليء بالمسامير وقال له : قم بطرق مسمارا واحدا في سور الحديقة في كل مرة تفقد فيها أعصابك أو تختلف مع أي شخص
في اليوم الأول قام الولد بطرق 37 مسمارا في سور الحديقة
وفي الأسبوع التالي تعلم الولد كيف يتحكم في نفسه وكان عدد المسامير التي توضع يوميا ينخفض
الولد أكتشف أنه تعلم بسهوله كيف يتحكم في نفسه
أسهل من الطرق على سور الحديقة في النهاية أتى اليوم الذي لم يطرق فيه الولد أي مسمار في سور الحديقة
عندها ذهب ليخبر والده أنه لم يعد بحاجة الى أن يطرق أي مسمار
قال له والده: الآن قم بخلع مسمارا واحدا عن كل يوم يمر بك دون أن تفقد أعصابك
مرت عدة أيام وأخيرا تمكن الولد من إبلاغ والده أنه قد قام بخلع كل المسامير من السور
قام الوالد بأخذ ابنه الى السور وقال له (( بني قد أحسنت التصرف
ولكن انظر الى هذه الثقوب التي تركتها في السور لن تعود أبدا كما كانت ))

-------------------------------------
عجبتنى القصه دى جدا
القصة بتوضح ان الاختلاف ممكن يتداوى شكليا مش اكتر انما اثره بيستمر ممكن نغطى ثقوب الجدران حتى .. انما جروح النفس محتاجة اكتر من اعتذار او كلمة .. انا شايفها من الزاوية دى .. ممكن يكون ليها معنى تانى بس دا اللى جه فدماغى ... أد ايه كلام اتقال ومنفعش بعده اى اعتذار .. اد ايه مجرد نظره اثرت فينا و سابت جوانا ضحكة أو ... صرخة الم
-------------------------------------
بحبكم .. وبختلف مع البعض يمكن .. بس اكيد بحبكم

Read more »

عــــــــــــــــــــــــودة

أعتذر عن التوقف لفتره

نظرا لظروف شخصيه

سأحاول جاهدا تجديد المدونه لتليق بزوارها الكرام

وليه تدون اقل لما ممكن تدون اكتر

:D

Read more »

عن الملكة

عن قريب جلست اتذكرها
لا اعلم ما اريده حقا .. كل ما اعرفه انى اشتاقها
امام التلفاز جلست لأعلم ان الدنيا ما زالت بذات السوء ما زالت بذات الوحشية .. تعلمت يومها اننى مهما كنت حزينا فأنا اسعد من شعوب بأكملها
لم يروقنى التلفاز .. على جهاز الحاسب جلست لأتمل ما حفظته من حواراتنا القديمه .. كم هى رقيقه
لكن لا سأبعث لها برسالة .. لم تطاوعنى الاحرف على كتابة تلك الرساله
لم نكن وقتها مختلفين وانما كنا شبه غرباء .. هذا الربيع يغير المشاعر سريعا.. اعرف انها تحبنى وتعلمت انى لا استطيع العيش من دونها
لكن تبا للغربه .. تألمت كثيرا حين جاء فى فكرى انه من الممكن الفراق .. حتى لو كان المستقبل بهذه الوحشية فهو حتما يستحق ان يعاش .. حالة اللا سلام واللا حرب .. اشتاقك و لست ببالى .. ياله من مزيج
كنا فى مساء ربيعى يوم خميس .. لم يبقى الا صوت فيروز لم اكن اريد اغنية بعينها .. فقط جلست لأستمع

سكن الليل و في ثوب السكون تختبي الأحلام
وسع البدر و للبدر عيون ترصد الأيام
فتعالي يا إبنة الحقل نزور كرمة العشاق
علنا نطفي بذياك العصير حرقة الأشواق
أسمع البلبل ما بين الحقول يسكب الألحان
في فضاء نفخت فيه التلول نسمة الريحان
لا تخافي يا فتاتي فالنجوم تكتم الأخبار
و ضباب الليل في تلك الكروم يحجب الأسرار
لا تخافي فعروس الجن في كهفها المسحور
هجعت سكرى و كادت تختفي عن عيون الحور
و مليك الجن إن مر يروح و الهوى يثنيه
فهو مثلي عاشق كيف يبوح بالذي يضنيه

لم يكن لكلامها علاقه بما انا فيه .. لكن الوقت حان لكى تفر العبرتان التى طالما حاولت سجنهما
اعشقها واعشق فيروز
لكن تبا لهما هذا يفوق احتمالى
________________________________________

تعلمنا جميعا معشر العرب انه لا تنازل عن القدس
تعلمنا ان نجل صلاح الدين لأنه اعادها وصنعنا من ذكراه قصة نرويها دوما على مسمع اطفالنا ليعلموا كم كان بطلا وكم كانت القدس غالية
دوما ف الاخبار العربية نراها اسيرة .. فى حصص الانشاء قديما ( التعبير ) كان اسهل واشهر موضوع هو " القدس عربيه " كان الكل يبدع بمشاعره لا بأسلوبه فى هذا الموضوع
اى مشهد سينمائى يتعلق بهذه القضية نوجه له قلوبنا لا اعيننا كى ننهل من معنى عروبتها وننسجا اثوابا بأشواقنا مكتوب عليها بدماء الشهدا القدس عربيه
كلنا يعرف انه من المسلمات ان القدس ستعود ان شاء الله .. الى ان تعود والى ان نتحد والى ان ينزل رضا الله علينا ونفعل ما يجب فعله نرى ما قالته الملكه وسمعه الكثير
الملكه فيروز دوما تضعنا فى حالة الانصات والارتعاش من فرط التأثير عند سماع موسيقا مقطع " الغضب الساطع" فعلا هو ات

لأجلك يا مدينة الصلاة أصلي
لأجلك يا بهية المساكن
يا زهرة المدائن
يا قدس
يا قدس يا مدينة الصلاة
عيوننا إليك ترحل كل يوم
تدور في أروقة المعابد
تعانق الكنائس القديمة
و تمسح الحزن عن المساجد
يا ليلة الأسراء
يا درب من مروا إلى السماء
عيوننا إليك ترحل كل يوم
و انني أصلي
الطفل في المغارة و أمه مريم وجهان يبكيان
لأجل من تشردوا
لأجل أطفال بلا منازل
لأجل من دافع و أستشهد في المداخل
و أستشهد السلام في وطن السلام
و سقط الحق على المداخل
حين هوت مدينة القدس
تراجع الحب و في قلوب الدنيا أستوطنت الحرب
الطفل في المغارة و أمه مريم وجهان يبكيان
و أنني أصلي
الغضب الساطع آتٍ و أنا كلي ايمان
الغضب الساطع آتٍ سأمر على الأحزان
من كل طريق آتٍ
بجياد الرهبة آتٍ
و كوجه الله الغامر
آتٍ آتٍ آتٍ
لن يقفل باب مدينتنا فأنا ذاهبة لأصلي
سأدق غلى الأبواب
و سأفتحها الأبواب
و ستغسل يا نهر الأردن
وجهي بمياه قدسية
و ستمحو يا نهر الأردن
أثار القدم الهمجية
الغضب الساطع آتٍ
بجياد الرهبة آتٍ
و سيهزم وجه القوة
البيت لنا
و القدس لنا
و بأيدينا سنعيد بهاء القدس
بايدينا للقدس سلام آتٍ

وكل العاده اقول بكيانى لا بلسانى اللـــــــــــــــــــــــــــــــــــــــه يا ملكة
________________________________________

يا ليل يا حب يا دروب يا حجار الحقونا عالشجرة البرية
عن الحريه ( بدون تعليق ) قالت

طلعنا .... حررنا
طلعنا على الضو طلعنا على الريح
طلعنا على الشمس طلعنا على الحرية
يا حرية يا زهرة نارية يا طفلة وحشية
يا حرية صرخو عالعالي على العالي اركضو بالحقالي على العالي
قولو للحرية نحنا جينا و افرحوا افرحوا
يا ليل يا حب يا دروب يا حجار الحقونا عالشجرة البرية غيرو اساميكن اذا فيكن لونو عيونكم اذا فيكن
خبو حريتكم بجيابكم و اهربو اهربو
عالضو عالريح عالشمس عالبرد عبيادر مضويه و منسيه
________________________________________
اشتقتلك
رتم روعه سمعته وانا مشتاق نسيت اشتياقى وازداد اعجابى بالملكه

برغم الحاصل من زمان الوقت الكافي للنسيان عزة نفسي كإنسان إشتقتلك
و رغم الغلطة و ما حلا و قصتنا يللي حلا إنو ننساها كلا إشتقتلك
و واضح إنك ناسيني و مش محتاج تواسيني مش بقصدك مإسيني و إشتقتلك
إشتقتلك إشتقتلي بعرف مش رح بتقلي طيب أنا عم قلك إشتقتلك
طيب مش قصة ما تقلي و أصلن مش هون العلي العلي ما تكون إشتقتلي إشتقتلك
و بعرف إنو ما بيسوا و شي يمنعني من جوا شي تاني حسو أقوى إشتقتلك
و هيدي السجرا العتيقا يللي ما كنا نطيقها حبيتا و إشتقتلا و إشتقتلك
ما بعرف شو صايرلك إنتا عا بعضك كلك ما تقلي ما قلتلك إشتقتلك
هلق عايش عالهلي و بكرا راح تستفقدلي تسأل مين كان يقلي إشتقتلك

ياااااااااااااااااااه .. كل تكرير لكلمة اشتقتلك له معنى وله حلاوه .. سمعتها اول مره فعلا وانا حاسس باحساس الشوق الشاجن وكان نفسى اقول له بجد
إشتقتلك إشتقتلي بعرف مش رح بتقلي طيب أنا عم قلك إشتقتلك

________________________________________

دائما ف الليل اعشق صوتها .. ف الليل حين تحكى عن شادى وسهر الليالى وليالى الشمال الحزينة
يكون لصوتها مزاق خاص حين يسمع ليلا وانت وحيد .. فيروز وجه اخر للحب و للطبيعه
علمتنى فيروز ان احبها
علمتنى فيروز ان احب الطبيعه واحب فتاتى السمراء
علمتنى ان معنى الشجن ومعنى الفرح ومعنى الحب ان اجتمعوا فكلمة فلابد ان تنطقها هى
وايضا تعلمت ان امتلكت مدونه ولم اكتب عنها اكون مسقط لحقها

Read more »

اشياء لا تنسى

كانت تخطو الى جوارى وتهمس فأسمعها بقلبى لا بأذنى

كنت اعلم انى اعشقها حتى النخاع .. اعلم جيدا اننى ان تنازلت عنها سأتنازل عن الحياه ذاتها

لكن الزمن داوى الكثير

وقتها اجتمع بقلبى الحب وبرائة الطفوله ... احببتها اكثر من ذاتى .. ذرفت مايعادل بحارا الما على فراقها .. لكننى ضحكت بعد ايام

وتناسيت

-------------------------------------------------------------------

- بحبك بكل ذره فكيانى

-طب هنرتبط ازاى واحنا قدامنا كتير .. انا منفعكيش

-مفيش غيرك ينفعنى

- متأكده انك هتكونى ليا

-ليك

- خلاص بحبك

**************

عمرها محبته ولا عمره حبها

وتناسيت

-------------------------------------------------------------------

عيونها صافيه .. لم ارى ف برائتها ... تبا للمراهقة

اريد ان اقول لها بملئ فمى اعشق حروف اسمك .. اعشق نظراتك اعشق كلماتك اعشق معنى وجودك

باختصار " بحبك بقا يابت انتى"

كبرت وقادر اقلك بحبك ... بس مجرد تسمعيها

مش مصدقانى ؟

طب والله بحبك ... بحبك بحببببببببببببببببببببببببببببببببببببببك

*****************************

فى يوم كانت نظراتها بمعنى موافقه

و يوم نظراتها بمعنى اشتاقك

و يوم نظراتها بمعنى احبك

لكن اخر يوم كانت نظراتها بمعنى لن اكون لك

وتناسيت

-------------------------------------------------------------------

ماتتت السعاده قبل امتحان الثانويه العامه بأيام

ماتت من دون ان تكون بجوارى ... ماتت حتى قبل ان اتصور يوما معنى موتها

***************************

جرس تليفون

- الو

- ..............

- ايييييييييييييييه؟ ... ازاى ؟

السماعه بتقع ع الارض

فى ايه ؟؟؟؟؟

مااااااااتت .. مين دى طيب

هى

وتسائلت فى عدم فهم " ماتت خالص يعنى ؟" وتسللت من عينى دمعه منذره بقدوم البحار

لكن ليس الان ... يجب ان اتماسك ... عندما اكون وحيدا ستعرف مصر معنى الفيضان

وتناسيت

-------------------------------------------------------------------

لم ادخل الكلية التى كنت ارجوها بسبب هذه الواقعه

لأننى لم اكن استذكر فى جو الحزن

والكل كان يلومنى .. الكل

وتناسيت

-------------------------------------------------------------------

تناسيت لكننى ابدا لم انسى

كلما اتذكر اى من هذا ومثله الكثير اعرف جيدا انى امثل دور الناسى

لكن كيف ينسى الحجر نقشه .. ؟

اريد ان انسى ... كيف ؟

الهمنى الصبر يا الهى

Read more »

مسرح الرئاسة يقدم .. جيمى وعمو

زيارة جمال السرية لأمريكا
انطلاقا من حبى لفن المسرح الراقى وجدت هذه الرائعه مسرحية انتاج واخراج عمو ... تأليف بابى .. بطولة جيمى بيه

...................................................

أرجوا أن ينال الإعجاب هذا المشهد الذى على مايبدو أنه

مشهد خارجي ... ظلام دامس .... أنوار خافتة مُحيطة بالبيت الأسود .. الفجر بيشقشق .... أصوات خبط ورزع على البوابة الخارجية للبيت الأبيض :

لورا : يا ساتر يارب .. ده مين السمج اللي بيخبط علينا الساعة دي ؟ إصحي يا بوشي شوف في إيه

بوش يهب منزعجاً : إيه .. في إيه ؟ أسامه رجع تاني ؟ البرج .. إوعى البُرج .... ناولوني الشبشب ... إستخبي يا ديك ..

لورا : برج إيه يا راجل ما راح واللي كان كان .. ده باب البيت البراني بيخبط قوم شوف مين .

بوش : أقوم إزاي وأنا بالبيجاما ... قومي إنتي يمكن ماحدش غريب ...

لورا : مين .. مين اللي بيخبط ؟

جيمي : أنا جمال يا طنط

لورا : جمال مين ؟

جيمي : جمال إبن مبارك

لورا : إبن سوزان ؟

جيمي : أيوه يا طنط إفتحي أنا أفأفت من البرد .

لورا : خير يا جمال .. ماما جرا لها حاجة ؟

جيمي : لأ .. ماما بخير والحمد لله ولسه ضاربة مكتبتين الإسبوع اللي فات

لورا : إوعى تكون إتخانقت مع خديجة .. حاكم أنا عارفها هاتعمل عليها ماري منيب ؟

جيمي : يا طنط مافيش حاجة ... أرحمي أهلي ودخليني الأول هاموت من البرد .. وبعد كده إن شالله تبعتيني جوانتانمو يحققوا معايا .

لورا إدخل يا جمال .. أقعد أتلقح في أوضة المسافرين عبال ما أصحيلك عمك بوش .... فطرت ولا أجيب لك لقمة تشق بها ريقك .

جيمي : لأ الحمد لله أنا أكلت شاندوتشين سدُق في القطر وأنا جاي .... صحي لي أونكل قوام الله يخليكي عشان عايزه في موضع مهم

يدخل بوش أوضة المسافرين مرتدياً بيجامته الكستور وزعبوطاً من نفس نوعية قماش البيجاما .. مع شبشب حمام أزرق اللون ...

بوش : إيه الشوقه الغريبة دي يا جمال يا إبني ؟ ومالك لابس لبس ولاد الليل ليه كده ومتلثم ؟

جيمي : أسف يا أونكل إني جاي من غير ميعاد .. لكن>الموضوع خطير خطير خطير .

بوش : يا ساتر يارب !!!!!! إيه إوعى تقولي الشعب المصري صحي وثار عليك وعلى ابوك ؟

جيمي : بعد الشر يا عمو .. دول نايمين بقى لهم 7 آلاف سنة .. ولا أصحاب الكهف .

بوش : طب حد لغوص لكو في موضوع الإنتخابات وفقس العملية ؟

جيمي: ماحدش يستجرى يا عمو وأديك شايف إحنا بنعمل إيه في القضاة .

بوش : يابني تعبت قلب اللي خلفوني وأنا مش فاضليك .. خش في الموضوع

جيمي : في الحكيكة يا أونكل بوش .. بابا صحي من النوم من إسبوعين كده ووشه كان أصفر وجسمه بينتفض وفضل ينده ويقول " هاتوا لي جمال .. انا عايز جمال " .. المهم سيبت خطيبتي وجتله جري لقيته بيقولي :

(مشهد داخلي ... نهار ما طلعلوش شمس ... الكاميرا تقترب من غرفة النوم الرئيسية في قصر العروبة ... وتحديداً يتركز المشهد على السرير الملكي )

مبارك : شد لك كرسي و أقعد يا جمال أنا عايزك في موضوع خطير ... النهاردة إيه ؟

جيمي : 4 مايو يا بابا ..

مبارك : وده معناه إيه ؟

جيمي : معناه إن الموظفين قبضوا مرتباتهم من 3 أيام يا بابي

مبارك : موظفين .. مرتبات ؟ إنت هاتنضف مخك معايا ولا أخلى عيشتك سودا ؟

جيمي : بالراحة عليه .... صحتك يا حاج .. حاضر هانضف مبارك : يابني النهاردة عيد ميلاد اللي جابك .. وأنا كملت النهاردة 78 سنة

جيمي : والله ؟ كل سنة وإنت طيب يا حاج ... عن إذنك أوصل لحد " لا بالما " أضرب دستتين جاتوه على طورطايه و78 شمعه وأجي حمامه .

مبارك : تصدق بالله لو قاطعتني وإتكلمت في الهجايص دي تاني أنا هاقطع خلفك .... يا جمال يا إبني أنا حاسس إن يالله حُسن الختام ... وبالمختصر المفيد أنا عايز أقلوظ لك الكُرسي قبل ما أفلسع

جيمي : بعد الشر عنك ... ده لو حصل ده أنا أموت نفسي وراك يا حاج .

مبارك : تموت نفسك ؟ طب ومصر ؟ والمصريين دول مين يشكمهم>يا جمال ؟

جيمي : آه صح ... طب إتكل عالله إنت يا حاج وأنا هابقى أحصلك

مبارك : عشان كده انا عايز تتخفى وتتكتم وفي منتهى السرية تروح لعمك بوش وتبوس إيده وتقوله " أبويا بيسلم عليك وبيقولك .. إمتى هايتم المُراد يا جميل .. إحنا طالبين الرضا والسماح "

جيمي : إيه دا دا يا بابا ؟... بس أنا بأحب خديجة وإنت عارف .. وهاكتب عليها بعد موسم القُطن اللي جاي ؟

مبارك : اللهم طولك يا روح ... خديجة إيه وقطن إيه يابني حرام عليك هاتموتني ناقص عمر .. مين جاب سيرة خديجة ولا لجواز دلوقت ؟

جيمي : مش إنت بتقولي روح أطلب إيد بنت عمك بوش ؟

مبارك : أنا قلت كده يا رئيس المستقبل .. يا فلته عصرك وآوانك ؟.. يابني أدم أنا بأقولك روح إستسمح عمك وأطلب منه يساعدك في القعاد على الكُرسي ..

جيمي : يا حبيبي يا بابي ... والله هاتوحشني لما تروح وهاتوحشني أفكارك البرلنتية ... وتفتكر يا بابا أونكل بوش هايوافق ؟

مبارك : ربنا يهدية .. إحنا بس نرمي بياضنا ونشوف طلباته إيه ؟

>>------->>

الواد نفسة يحكم البلدو كإن البلد

مافيهاش غيره ولددا

حتى جلف و غبى زى أبوه من يوم ما تولد

و البلد مليانة شباب أحسن منة من غير عدد

ما هى الكوسة حاتفضل شعارنا مهما طال الأمد

ولا العيلة دى حا تفضل تحكمنا زى البهايم للأبد

و دى مصيبة ما ترضيش أحد

مهما كان عندة جلد

>>------->>

جيمي : عشان كده يا عمو أنا جيت لك النهاردة وطالب الرضا والسماح

بوش : في الحقيقة إنت فاجئتني بطلبك ده .. وبعدين " جينا " لسه صغيرة وما بتفكرش في الجواز دلوقت ..

جيمي : الحمد لله .. يعني مش أنا بس اللي بأفهم بالشقلوب

بوش : قصدك إيه ؟

جيمي : لأ ما فيش حاجة .. ده أنا فتكرت موقف كده حصل بيني وبين بابي ... يا عمي أنا مش قصدي الجواز من سليلة الحسب والنسب .. أنا بأقصد إني طالب الرضا والسماح عشان أقعد وأترستق على الكُرسي وأدلدل رجلي ؟

بوش : آه قلت لي ... طب إستناني أما أضرب واحد كابتشينو عشان أفوقلك إنت وابوك بوش : قلت لي بقى أبوك بعتك ليه ؟

جيمي : بابي بيسلم عليك وبيقولك قلوظ لي الكُرسي .

بوش : لأ إستأنا عليه أما أندهلك خالتك أم سلحول ..

جيمي : طب وإيه لزمة طنط لورا في الموضوع الرجالي ده ؟

بوش : لورا مين .. يخرب بيت عقلك وطي صوتك أحسن تسمعك من المطبخ ... أم سحلول ده الإسم الحركي لخالتك كوندي .

جيمي : آه .. وماله بس بسرعة يا أونكل أحسن عايز اروح قبل الدُنيا ما تضلم وكمان عشان سايب خديجة في جنينة المريلاند لوحدها .

بوش : يامايكل .. يا مايكل ...

مايكل : أوامرك يا افندينا .

بوش : إدي ميسد كوول لكوندليزا خليها تيجي بالعجل .

مايكل : بس يا أفندينا الدنيا لسه الفجر وممكن تكون نايمه .. وحتى لو صحيت وجت بسرعة فمش هاتلحق تغسل وشها .. وده في خطر علينا .

بوش : يا سيدي ما بتفرقش كثير .. إندها وخليها تيجي والسلام .

>>----->>

بكره المنيل أبوك يموت
أوعى تسيب الفرصة تفوت
لازم تركب الحكم و تقول توت
و اللى مش عاجبة ياخد بالنبوت
و اعمل حسابك ما تسيبش سحتوت
كوش على كل القوت
لو سبت حاجة حايخدها من بعدك واحد هلفوت

>>------->>

وتأتي كوندي مهرولةً وتدخل أوضة المسافرين على بوش وجيمي ..

كوندليزا وهي تتثاءب : صباح الخير يا مستر بريزيدانت .... مين جيمي إبن سوزان ... إزيك يا ولا وإزي أمك ؟

جيمي : كويس .. وماما بتسلم عليكي يا طنط وبعته لك معايا حتة قماش قطيفة تنفع ميكروجيب .

كوندي : ميرسي خالص يا جيمي ماكنش له لزوم .. وإبقى سلم على ماما .

بوش : جيمي يا ستي جاي وجايب معاه رسالة من والده بيقولي فيها أقلوظ له الكرسي

كوندي : وماله يا مستر بريزيدانت .. بس كله بثمنه

جيمي : وأنا رقبتي سداده يا طنط كوندي .. ومستعد دلوقت أكتب لكو أي حتة في مصر بيع وشرا .. من أول توشكى لحد شرم الشيخ ...

Read more »